Artículu

L'artículu ye un tipu de determinante actualizador, una categoría de la morfoloxía qu'empleguen delles llingües p'actualizar o precisar la referencia d'un sustantivu, tresformándolo de desconocíu y astractu («un llibru») a conocíu y concretu («el llibru»). Dichu d'una forma más clara, ye un implemento o indicador qu'asitia lo que se diz nel campu en que se diz, común al que lo diz y al que lo oi, esto ye, nel mutuu alcuerdu de los interlocutores.

Artículos nes llingües europees      artículu definíu ya indefiníu      namás artículos definíos      artículu definíu postpuesto ya indefiníu      namás artículos definíos postpuestos      ensin artículos

En gramática tradicional, llámase artículu tanto a los determinantes definíos como al determinante indefiníu rellacionáu col significáu de '1'. En gramática xenerativa polo xeneral considérase que l'artículu ye'l nucleu sintácticu del sintagma determinante.

Llingües con artículos

• Les llingües indoeuropees antigües escarecíen d'artículos, a esceición del griegu clásicu. Sicasí, en delles cañes de la familia desenvolviéronse a partir d'elementos deícticos, asina toles llingües romániques tienen artículos, tamién les llingües xermániques más importantes, les llingües celtes modernes y delles llingües eslaves.
• Les llingües semítiques polo xeneral escarecen d'artículu anque les dos más bultables, l'hebréu y l'árabe, tienen artículos.

Referencies

• Datos: Q103184