Arturo Fernández
Arturo Fernández Rodríguez (21 de febreru de 1929, Xixón – 4 de xunetu de 2019, Madrid) foi un actor asturianu d'abonda trayectoria teatral y cinematográfica.[6][7]
Arturo Fernández | |
|---|---|
 | |
| Vida | |
| Nacimientu | Xixón[1], 21 de febreru de 1929[2] |
| Nacionalidá |
 España |
| Muerte | Madrid, 4 de xunetu de 2019[3] (90 años) |
| Causa de la muerte | cáncanu d'estómagu |
| Estudios | |
| Llingües falaes | castellanu |
| Oficiu | actor |
| Altor | 181 cm |
| Premios |
ver
|
| IMDb | nm0273404 |
 | |
.svg){kind=small}
Biografía
editarPerteneciente a una familia humilde, el so padre fuxó d'España tres la Guerra Civil por cuenta de la so condición d'anarquista. En 1950 treslladóse d'Asturies a Madrid ensin intención de dedicase profesionalmente a la interpretación y, como sustentu provisional, empieza nel cine como figurante hasta interpretar papeles pequeños en películes de Rafael Gil (La señora de Fátima, La guerra de Dios, El beso de Judas).[8][9]
El so primer contautu col escenariu ye nel llamáu Teatru de Cámara y Ensayu, dirixíu por Modesto Higueras. Dempués incorpórase a la compañía teatral de Conchita Montes y más tarde a la de Rafael Rivelles.
Nel cine llogra los sos primeros papeles protagonistes a les órdenes de Julio Coll en Distrito Quinto (1957) y Un vaso de whisky (1958), participando hasta bien entrada la década de 1970 en decenes de películes como La Casa de la Troya, Rogelia, Currito de la Cruz y Camino del Rocío, de Rafael Gil; Bahía de Palma, de Juan Bosch; La viudita naviera, de Luis Marquina; Jandro, de Julio Coll; Novios 68 y No desearás la mujer de tu prójimo, de Pedro Lazaga; Tocata y fuga de Lolita, d'Antonio Drove, Un lujo a su alcance, de Tito Fernández, y la comedia de gran ésitu comercial La tonta del bote (1970), que llanza a la fama a Lina Morgan.
Constrúi un personaxe a midida de galán dacuando cínicu y siempres conquistador, que sigue desempeñando na so actividá teatral, protagonizando, ente otres, les obres La herencia (1957), Un hombre y una mujer (1961), Dulce pájaro de juventud (1962), La tercera pallabra (1966), La playa vacía (1970), Homenaje (1980), La chica del asiento de atrás (1983), La segunda oportunidad (1985), Pato a la naranja (1986), Mejor n'ochobre (1994), Esmoquin (2001), Esmoquin 2 (2003), La montaña rusa (2008) y Los hombres no mienten (2012).[10]
Anque amenorga la so presencia na gran pantalla, aumenta la so popularidá al protagonizar la película Truhanes (Miguel Hermoso, 1983), que diez años dempués da llugar a la serie de televisión homónima, trabayando en dambes con Francisco Rabal. Tamién intervién n'El día que nací yo (Pedro Olea, 1991), Tiempos mejores (Jorge Grau, 1994) y Desde que amanece apetece (Antonio del Real, 2006).
Como intérprete de personalidá definida y proverbial elegancia, amuesa'l so meyor rexistru al tomar distancia del so propiu personaxe, representando colos años a un galán descaráu de tintes risibles y llegando cuasi a la autoparodia na serie d'Antena 3 La casa de los líos, que protagoniza al pie de Lola Herrera ente 1996 y 2000.[11] En mayu de 2007 interpreta a dos hermanos ximielgos na serie de TVE Como el perro y el gato.[12][13]
Recibe en 2003 y 2011 el premiu Micrófonu d'Oru qu'apurre la Federación d'Asociaciones de Radio y Televisión. En 2012 recibe'l Premiu de Cultura de la Comunidá de Madrid na categoría de Teatru, amás del premiu Alfonso Ussía na categoría de Personaxes del añu.[14][15]
Vida personal
editarFíu únicu d'Arturo Fernández García (1898-15/05/1973) y de Dolores Rodríguez Fanjul (?-6/01/1978). Casóse na ilesia de Sant Vicenç de Montalt, cola catalana María Isabel Sensat Marqués el 22 de marzu de 1967, divorciáronse en 1978. Tuvieron trés fíos: María Isabel (1967), Arturo (1970) y María Dolores "Boby" (1975). Casóse de nuevo 1 d'abril de 1980 a l'abogada Carmen Quesada.
Según el periodista Rafael González Zubieta, Arturo Fernández caltuvo na so mocedá una rellación sentimental con Lupe Sino (nome artísticu d'Antonia Bronchales), que foi novia del toreru Manolete y que morrió'l 13 de setiembre de 1959 por cuenta de un derrame cerebral seis díes dempués de sufrir un accidente d'automóvil en Puerta de Fierro, Madrid. Según Zubieta, Arturo Fernández yera la persona que conducía l'automóvil deportivu de Lupe Sinón nel momentu del accidente.
Nel ámbitu políticu, el so padre simpatizó colos anarquistes y foi exiliáu mientres el Franquismu. Arturo Fernández amosóse próximu al Partíu Popular, sofitando públicamente al exalcalde d'Uviéu, Gabino de Lorenzo. Nes primeres eleiciones democrátiques de 1977 yá sofitó la candidatura d'Adolfo Suárez, líder d'UCD.[16] En payares de 2012 amenaron cierta polémica los sos comentarios despreciatibles escontra les movilizaciones en contra de la política del gobiernu de Mariano Rajoy.[17][18]
Finó'l 4 de xunetu de 2019 por problemes problemes de salú tres una operación d'urxencia d'estómagu fecha nel mes d'abril. Ingresara unos díes antes nun hospital de Madrid onde finalmente nun pudo superar el so delicáu estáu.
Filmografía
editar- La Señora de Fátima (1951)
- La trinca del aire (1951)
- Cerca del cielo (1951)
- Así es Madrid (1953)
- El beso de Judas (1954)
- El torero (1954)
- La patrulla(1954)
- Los Fernández de Peralvillo (1954)
- Nunca es demasiado tarde (1956)
- Duelo de pasiones (1956)
- Cuerda de presos (1956)
- Rapsodia de sangre (1957)
- Distrito Quinto (1957)
- Mañana cuando amanezca (1957)
- Un vaso de whisky (1958)
- Familia provisional (1958)
- La frontera del miedo (1958)
- Cita imposible (1958)
- Las chicas de la Cruz Roja (1958)
- Ejército blanco (1959)
- Vida sin risas (1959)
- La Casa de la Troya (1959)
- A sangre fría (1959)
- La mentira tiene cabellos rojos (1960)
- Fuga desesperada (1960)
- Juicio final (1960)
- La fiel infantería (1960)
- María, matrícula de Bilbao (1960)
- Regresa un desconocido (1961)
- El último verano (1961)
- Rogelia (1962)
- Los cuervos (1962)
- La viudita naviera (1962)
- Bahía de Palma (1962)
- El sexto sentido (1963)
- Piedra de toque (1963)
- No temas a la ley (1963)
- La gran coartada (1963)
- Escala en Hi-Fi (1963)
- Sol de verano (1963)
- El salario del crimen (1964)
- El sonido prehistórico (1964)
- Jandro (1965)
- Currito de la Cruz (1965)
- Las viudas (1966)
- Camino del Rocío (1966)
- Novios 68 (1967)
- House of Evil (1968)
- Vedove inconsolabili in cerca di... distrazioni (1968)
- Pecados conyugales (1968)
- No desearás la mujer de tu prójimo (1968)
- ¡Cómo sois las mujeres! (1968)
- Cristina Guzmán (1968)
- Las cinco advertencias de Satanás (1969)
- El señorito y las seductoras (1969)
- Turistas y bribones (1969)
- El relicario (1970)
- La tonta del bote (1970)
- ¿Quién soy yo? (1970)
- The Incredible Invasion (1971)
- Cáncer (1971) Episodio de televisión
- Las doce caras de Eva (1971)
- Ángeles y querubines (1972)
- Las juergas del señorito (1973)
- Casa Flora (1973)
- ¿Quién soy yo? (1973) Televisión.
- Estudio 1 (1973)
- Dulce pájaro de juventud (1974) televisión
- Noche de teatro (1974)
- Matrimonio al desnudo (1974)
- Tocata y fuga de Lolita (1974)
- Un lujo a su alcance (1975)
- Los caciques (1975)
- El adúltero (1975)
- La muerte ronda a Mónica (1976)
- Cuando los maridos se iban a la guerra (1976)
- Mauricio, mon amour (1976)
- La amante perfecta (1976)
- La Secta del trébol (1977)
- Divinas palabras (1977)
- Ésta que lo es... (1977)
- El hombre que yo quiero (1978)
- Esperando a papá (1980)
- La dinastía de Drácula (1981)
- Truhanes (1983)
- El crack II (1983)
- Mojados de corazón (1987)
- La chica de la piscina (1987)
- Gaby: A True Story (1987)
- El día que nací yo (1991)
- Aquí, el que no corre... vuela (1992)
- Truhanes (serie TV) (Telecinco, 1994)
- Dos hombres y una mujer (1994)
- Tiempos mejores (1994)
- Mejor en octubre (obra de teatro) (1994)
- La casa de los líos (serie TV) (Antena 3, 1996-2000)
- Esmoquin (2001)
- Esmoquin 2 (obra de teatro) (2002)
- Desde que amanece apetece (2006)
- Como el perro y el gato (serie TV) (TVE1, 2007)
- La montaña rusa (obra de teatro) (2008)
- Los hombres no mienten (obra de teatro) (2012)
- Enfrentados (obra de teatro) (2015-2017)
Premios y honores
editar
| Añu | Categoría | Película | Resultáu |
|---|---|---|---|
| 1983 | Meyor actor | Truhanes | Ganador |
- Premiu del Sindicatu Nacional del Espectáculu (1961) por "La viudita naviera".
- Premiu San Xuan Bosco (1962) por Los cuervos".
- Premiu del Sindicatu Nacional del Espectáculu (1968) por "Cómo sois les muyeres".
- Nomáu Fíu Adoptivu de la Ciudá d'Uviéu (13 de xineru de 1998).[20]
- Ereición d'un monumentu nel pueblu de Priañes, conceyu d'Uviéu (1999).
- Premiu Nacional de Teatru Pepe Isbert(2003)
- Micrófonu d'Oru (2003)
- Medaya d'Oru al Méritu nes Belles Artes (2003)
- Premiu Proyección d'Asturies (2007)
- Premiu Mesón Cueves del Vinu (2009)
- Micrófonu d'Oru (2011)
- Premiu Alfonso Ussía (2012)
- Premiu Cultura (2012)
- Premiu La Casa del Actor (2013)
- Medaya d'Oru al Méritu nel Trabayu (2013)
- Premiu Trayectoria Exemplar (2014)
- Medaya d'honor del Círculu d'Escritores Cinematográficos (2015)
- Premiu "Amuravela d'Oru" de Cuideiru (2016)
- Premiu ASICOM (2016)
- Premiu Mandarina (2016)
- Premiu Butaques d'Oru (2017)
Referencies
editar- ↑ URL de la referencia: http://www.españaescultura.es/es/artistas_creadores/arturo_fernandez_rodriguez.html.
- ↑ URL de la referencia: https://www.diezminutos.es/famosos-corazon/famosos-espanoles/g28289180/arturo-fernandez-biografia/.
- ↑ «Muere Arturo Fernández a los 90 años» (4 xunetu 2019). Consultáu'l 4 xunetu 2019.
- ↑ URL de la referencia: https://www.boe.es/diario_boe/txt.php?id=BOE-A-2003-23434.
- ↑ URL de la referencia: https://boe.es/diario_boe/txt.php?id=BOE-A-2013-5247.
- ↑ Arturo Fernández, 80 velas sobre las tablas. La Nueva España. 22-9-2009.
- ↑ Román, Manuel (21 de febreru de 2015). «Arturo Fernández y el lío de su cumpleaños» (castellanu). Chic. Archiváu dende l'orixinal, el 24 de febreru de 2015. Consultáu'l 28 d'agostu de 2018.
- ↑ Diario ABC (ed.): «Arturo Fernández (entrevistado por Marino Gómez-Santos)» (4 d'avientu de 1968). Consultáu'l 22 de payares de 2012.
- ↑ El Mundo (ed.): «Esto de Arturo Fernández es un lío» (200). Consultáu'l 24 de payares de 2012.
- ↑ Diario ABC (ed.): «En el Alcázar se estrenó "La herencia", de Joaquín Calvo Sotelo» (28 d'avientu de 1958). Consultáu'l 23 de payares de 2011.
- ↑ BORAU, José Luis, dir.; Academia de las Artes y las Ciencias Cinematográficas de España (1998) Diccionario del cine español. Alianza Editorial.
- ↑ La Voz de Galicia (ed.): «Yo inventé las faltas de ortografía» (23 de xunetu de 2008). Consultáu'l 22 de payares de 2012.
- ↑ Diario ABC (ed.): «A un actor lo retira el público, y a mí todavía me aceptan» (19 de setiembre de 2011). Consultáu'l 22 de payares de 2012.
- ↑ EuropaPress (6 de payares de 2012). «Premios Cultura de la Comunidad de Madrid». Consultáu'l 6 de payares de 2012.
- ↑ MadridActualidad (11 de payares de 2012). «Arturo Fernández recibe el Premiu Alfonso Ussía». Consultáu'l 11 de payares de 2012. (enllaz rotu disponible n'Internet Archive; ver l'historial y la última versión).
- ↑ Diario ABC (ed.): «Se perfila un gran triunfo del centro» (16 de xunu de 1977). Consultáu'l 24 de payares de 2012.
- ↑ Intereconomía Televisión (ed.): «Arturo Fernández en "El gato al agua": No he visto a gente más fea qu'en las manifestaciones» (19 de payares de 2012). Archiváu dende l'orixinal, el 22 de payares de 2012. Consultáu'l 22 de payares de 2012.
- ↑ Diario ABC (ed.): «Arturo Fernández enciende la Red con sus comentarios sobre "la gente fea" de las manifestaciones» (22 de payares de 2012). Consultáu'l 22 de payares de 2012.
- ↑ «Premios del CEC a la producción española de 1983». Círculo de Escritores Cinematográficos. Archiváu dende l'orixinal, el 2019-09-10. Consultáu'l 27 de marzu de 2016.
- ↑ Ayuntamientu d'Uviéu (ed.): «Rellación de hijos adoptivos de Oviedo». Archiváu dende l'orixinal, el 10 d'ochobre de 2017. Consultáu'l 12 d'ochobre de 2017.
Enllaces esternos
editar
Wikimedia Commons acueye conteníu multimedia sobre Arturo Fernández.
- Arturo Fernández na Internet Movie Database (n'inglés)
- Actuación d'Arturo Fernández na serie televisiva d'Antena 3 - La casa de los llíos - na qu'interpreta a Arturo Valdés, un elegante estafador
- Melgares de Aguilar, Alejandro. «Entrevista a Arturo Fernández 24/10/2014». Archiváu dende l'orixinal, el 2014-11-05.
Datos: Q2865947- Multimedia: Arturo Fernández Rodríguez
