Asociación Internacional del Congo
L'Asociación Internacional del Congo (Francés: Association internationale du Congo), tamién conocida como la Sociedá Internacional del Congo, foi una asociación fundada'l 17 de payares de 1879 por Leopoldu II de Bélxica pa promover los sos intereses nel Congo.[1] Sustituyó al Comité belga pal estudiu del Altu Congo, que formaba parte de l'Asociación Internacional Africana creada pa la esploración del Congo. Los oxetivos de la Sociedá Internacional del Congo yeren establecer el control de la cuenca del Congo y esplotar los sos recursos económicos. La Conferencia de Berlín reconoció a la sociedá como soberana sobre los territorios que controlaba y en 1885 les sos estructures fueron adquiríes pol Estáu Llibre del Congo.
| ||||
|---|---|---|---|---|
| estáu desapaecíu | ||||
| ||||
| Alministración | ||||
| Forma de gobiernu |
corporatocracia (es)  | |||
| Xeografía | ||||
| Coordenaes | 2°53′S 23°40′E / 2.88°S 23.66°E | |||
 | ||||
Propiedá y control
editarLos accionistes oficiales del Comité pal Estudiu del Altu Congo yeren empresarios holandeses y británicos y un banqueru belga que tenía aiciones en nome del rei Leopoldu. El coronel Maximilien Strauch, presidente de la comisión, yera un secuaz del rei Leopoldu. Henry Morton Stanley, que robló un contratu de cinco años pa establecer bases nel Congo en 1878, non esta claro, si trabayaba pa l'Asociación Internacional Africana, pal Comité d'Estudiu del Altu Congo o pal mesmu Leopoldu. Los contratos d'emplegaos europeos de Stanley prohibíen la divulgación de la verdadera naturaleza del so trabayu.[2]
Conferencia de Berlín
editarLa Conferencia de Berlín o la Conferencia del Congo de 1884-85 reguló la colonización y el comerciu européu n'África. El rei Leopoldu II foi capaz de convencer a los poderes na conferencia de que'l comerciu común n'África yera'l meyor interés pa tolos países. La Llei Xeneral de la Conferencia estremó a África ente les principales potencies d'Europa y confirmó el territoriu controláu pola Sociedá del Congo como la propiedá privada, qu'esencialmente la convirtió en propiedá de Leopoldu II.
El 10 d'abril de 1884, el Senáu de los Estaos Xuníos autorizó al Presidente Chester A. Arthur a "reconocer la bandera de la AIC como igual a la d'un gobiernu aliáu". El 8 de payares de 1884, Alemaña reconoció la soberanía de la sociedá sobre'l Congo.
Referencies
editar- ↑ «Association Internationale du Congo» (22 de marzu de 2007).
- ↑ Adam Hochschild. «King Leopold's Ghost: A Story of Greed, Terror, and Heroism in Colonial Africa». Houghton Mifflin Harcourt.
Datos: Q838416
