Asturias, la mirada del viento

Asturias, la mirada del viento
Datos
País d'orixe	España
Emisión
Emisora	A7
Varios

Asturias, la mirada del viento ye un documental producíu por Ediciones Nobel pa La Nueva España y que’l diariu uviedín comercializó en DVD hai más o menos una década. Trátase d'una producción mui cuidada que quier mostrar el paisaxe y la xeografía del nuestru país, cola novedá de que toles imáxenes tán tomaes dende l'aire. Esta serie documental surdió cuando Asturies tovía nun contaba con televisión pública y por mor del éxitu d'espacios asemeyaos como Euskal Herria, la mirada mágica, que s’emitió en vascu n’ETB1 y castellanu n’ETB2; Catalunya des de l'aire, de TV3; Terra e vento, de TVG; o España, entre el cielo y la tierra, de TVE.

Coles primeres emisiones de TPA, allá pel añu 2006, los responsables de la canal mercaron los derechos d'emisión del espaciu y emitiéronlu tolos llunes a lo llargo de 14 selmanes. Anque los asturianos nun pudieron ver esti documental nel so idioma, los catalanes sí pudieron ver Astúries, la mirada del vent: el doblaxe nel so idioma d'esta producción asturiana. Y ye qu'Esport3, la canal pública catalana dedicada a los deportes y estilu de vida deportivu, emitió esti documental. Estrenóse xunto a otros espacios del xéneru “dende l'aire”, como’l d'Euskal Herria, Els Pirineus des de l'aire, L'Ebre, camins d'aigua y Itàlia des de l'aire.

Asturias, la mirada del viento

Referencies

Enllaces esternos