Asturina Federal

Durante la I República los federales nel ayuntamientu de la ciudá d'Uviéu diseñaron una bandera asturiana, la segunda que se diseñare dende la que fizo Xovellanos pal Exércitu Defensivu Asturianu, que se basaba precisamente n'esta, anque con una modificación importante. Según cuenten^[¿quién?] (bastante molestos) nel periódicu El Eco de Asturias la bandera yera colorada y nella podía vese en fondu azul la Cruz de la Victoria. Ye, básicamente, un amiestu de la bandera federal, una bandera colorada ensin adornu de nengún xeitu, cola asturina.

Asturina Federal
Datos

La bandera esnaló penriba les cabeces los uvieínos dende'l balcón la Casa Conceyu hasta que cayó la República y volvieron los borbones na figura d'Alfonsu XII. Nun se conserva nin tampoco hai constancia de semeyes o grabaos.

Ver tamién

• Proyeutu de Constitución Federal del Estáu Asturianu

Bibliografía.

• El Pueblo a escena, Sergio Sánchez Collantes, RIDEA, 2019.

Enllaces esternos

• Datos: Q112220881