Atolón de Namu

Namu (en marxalés Nam̧o [nʲæ͡ɑmˠɤ͡oo̯]) ye un atolón coralín de 54 islles nel Océanu Pacíficu. Forma parte del distritu llexislativu de la cadena Ralik de les Islles Márxal. Tien un área terrestre de 6,27 km² y enzarra una llaguna de 397 km². Allúgase aproximao a 62 km al sureste del atolón de Kwajalein.

Atolón de Namu
Situación
Protectoráu	Nueva Guinea Alemana
País	Islles Márxal
Tipu	atolón
Parte de	Cadena Ralik
Asitiáu en	Océanu Pacíficu
Coordenaes	7°59′00″N 168°10′25″E
Atolón de Namu Atolón de Namu (Islles Márxal)
Datos
Altitú media	3 m
Superficie	6,27 km²

La población ye d'unos 800 individuos, asitiándose principalmente en cuatro islles: Namu, Majkin, Loen y Mae.

Historia

En 1568, la espedición española d'Álvaro de Mendaña fexo'l primer rexistru por europeos del atolón de Namu. El pilotu, Hernán Gallego, tracamundiólu col atolón Bokak (llamada San Bartolomé) qu'Alonso de Salazar viera en 1526. Mendaña dixo que les islles taben habitaes, con munches cases. Un grupu de desembarcu atopó un cincel fechu d'un clavu y trozos de cuerda que supuestamente fueron obsequios el 15 de xunetu de 1566 pol galeón San Jerónimo, al mandu de Lope Martín.

En 1884, l'atolón foi reclamáu pol Imperiu d'Alemaña xunto col restu de les Islles Márxal. Tres la Primer Guerra Mundial, la islla quedó baxo'l mandatu del Pacíficu Sur del Imperiu de Xapón. Col final de la Segunda Guerra Mundial, quedó baxo'l contro d'Estaos Xuníos como parte del Territoriu en fideicomisu de les islles del Pacíficu hasta la independencia de les Islles Márxal.

Educación

El sistema d'escueles públiques en Namu tien cuatro d'Educación Primaria: Loen, Mae, Majkin y Namo.

Pa la Educación Secundaria dependen del atolón Jaluit.

Enllaces esternos

• Datos: Q703627