BBC Alba
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
'BBC Alba' ye una canal en gaélicu escocés que surdió de la collaboración ente BBC, que pon la parte téunica, y MG Alba, un organismu del Gobiernu d'Escocia encargáu d'impulsar l'audiovisual nesti idioma y que ye quien xestiona la emisora. Esta televisión estrenóse’l 19 de setiembre del 2008 y emite siete hores al día. Ye’l primer canal fechu al 100% dende Escocia y el primeru qu'utiliza’l nome de la BBC ensin ser propiedá dafechu de la corporación británica. La emisora tien una audiencia media de 530.000 persones cada selmana, una cifra bien alta al tener en cuenta que’l gaélico-escocés tien 65.000 falantes.
| BBC Alba | |
|---|---|
| canal de televisión | |
 | |
 | |
| Llocalización | |
| Sede |
BBC Pacific Quay (en)  |
| Direición | Reinu Xuníu |
| Historia | |
| Fundación | 19 setiembre 2008 |
| Eslogan |
A new channel for Scotland (en) Sianal Ùr Gàidhlig (gd) |
| Organigrama | |
| Dueñu |
British Broadcasting Corporation MG Alba (es) |
| Web oficial | |
 | |
El presupuestu de la canal de televisión se reparte ente BBC (8.000.000) y MG Alba, que destina la mayor parte del so prestupuestu (12.000.000) a la canal. Los críticos de la emisora afirmen que ye un presupuestu mui grande pa un númberu d'espectadores curtiu. Sicasí, la so audiencia multiplica por cinco a los falantes de gaélicu.
Historia
editarLa cadena nació depués de que la televisión pública británica preguntara a los escoceses sobre la posibilidá d'echar a andar una televisión en gaélicu. La respuesta positiva fizo que la programación principiara’l 19 setiembre del 2008 a les 21:00 con un videu que mostraba a delles personalidaes de la cultura escocesa reinterpretando’l clásicu del rock gaélicu «Alba». Depués s’emitió un conciertu de música celta, una ficción de producción propia y un documental.
Un estudiu demostró que nes primeres selmanes d'emisión, el 82% de los televidentes de fala gaélica vieran la canal. Otra manera, la suma de l'audiencia de BBC Alba y de la repetición de dellos programes en gaélicu per BBC2 mostró que yeren siguíos pol 21% de la población adulto del país. Ye de reseñar que los programes que nun s’emiten en direuto per BBC Alba van con subtítulos n'inglés.
