BD-22 5866

BD-22 5866

BD-22 5866 (LP 875-68 / NLTT 53279)[1] ye un sistema estelar cuádruple alcontráu a 166 años lluz en direición a la constelación d'Acuariu. Caúna de los cuatro estrelles que lo componen ye una nana naranxa con una masa averada de media masa solar.[2]La edá envalorada del sistema ye de 500 millones d'años. El sistema ye inusual polo cerca que les estrelles orbitan ente sigo; la separación orbital del primer par d'estrelles ye de 0,06 UA a lo más, con un periodu de menos de cinco díes. El so velocidá orbital ye de cuasi 500.000 km/h. El segundu par tien una separación máxima de 0,26 AU, con un periodu de cerca de 55 díes. Los dos sistemes binarios atópense separaos 5,8 UA y tienen un periodu orbital de menos de nueve años. Piénsase que menos d'un 0,05% de les estrelles reparaes formen parte de sistemes tan estrechamente xuníos.[3]

BD-22 5866
Constelación Acuariu
Ascensión reuta α 22h 14min 38,36s
Declinación δ -21º 41’ 53,2’’
Distancia 166 años lluz
Magnitú visual +10,1 (conxunta)
Magnitú absoluta +6,6 (conxunta)
Lluminosidá ?
Masa 0,5 soles (cada componente)
Tipu espectral K5

Puesto que les teoríes actuales de formación estelar indiquen que sistemes estelares como ésti nun podríen formase con tal grau proximidá ente estrelles, la esplicación más plausible ye que se formó a partir d'un únicu discu gaseosu, que forzó a les estrelles a órbites tan pequeñes mientres los primeres 100.000 años de la so evolución. Anguaño los dos sistemes binarios tán alloñándose ente sigo, lo qu'indica qu'antaño taben entá más próximos.[3]

ReferenciesEditar

Coordenaes:   22h 14m 38.361s, -21° 41 53.282