Baal Hammon
Baal Hammon o Baal Ammon yera'l principal dios feniciu adoráu na colonia de Cartago, xeneralmente identificáu polos griegos como Crono y polos romanos como Saturno.[1]
Yera un dios atmosféricu consideráu responsable de la fertilidá de la vexetación. Tradicionalmente representábase como un home barbáu con cuernos de carneru.
EtimoloxíaEditar
Baal significa "señor", sicasí, el significáu de hammon ye inciertu, siendo posible'l so orixe n'Amón "L'ocultu", símbolu del poder creador y "Padre de tolos vientos" na mitoloxía exipcia. [2]
CultuEditar
Nel so nome faíen sacrificios humanos,[3] "molk", como ufrienda relixosa. Mientres dalgún tiempu hubo discutiniu a esti respectu: los restos humanos topaos nel tofet de Cartago atribuyérense a restos procedentes de neños muertos por causes naturales o productos d'albuertos humanos; sicasí, la bayura de restos, la edá de la muerte de los neños, según la presencia de restos animales que se supón yeren sacrificaos en sustitución de dellos neños, probablemente fíos de families poderoses, práuticamente refuga la primer idea.[4][5]
ReferenciesEditar
- ↑ Lancel, Serge. Carthage, a history, páx. 135.
- ↑ Moscati, Sabatino (2001). The Phoenicians. Tauris, páx. 132. ISBN 1-85043-533-2.
- ↑ «Carthaginian Religion by Roy Decker». About.com. Consultáu'l 7 de xunetu de 2010.
- ↑ Walbank, Frank William (1979). A historical commentary on Polybius 2. Clarendon Press, páx. 47.
- ↑ Lancel, Serge. Carthage, a history, páx. 197.
