Baidu Baike (百度百科) ye una enciclopedia china collaborativa online, perteneciente al sitiu web Baidu.

Entamó el 20 d'abril de 2006 y al cumplir el so primer añu el númberu d'artículos yera de más de 700.000. Superó'l finxu del millón d'artículos en xineru de 2008.

Esti proyeutu foi la respuesta al bloquéu de Wikipedia poles autoridaes chines teniendo regles más estrictes: les ediciones tienen que ser aprobaes polos alministradores y sólo pueden editar usuarios rexistraos, tando prohibíes les referencies destinaes a poner en dulda el sistema políticu imperante na República Popular.

El nome Baike ta compuestu polos caracteres bǎi (百) que significa "cien", y kē (科) : "rama del conocimientu", pudiendo traducise baike como enciclopedia.

Referencies editar

Enllaces esternos editar