Bancu Central de Cuba
El Bancu Central de Cuba (BCC) ye la entidá bancaria de Cuba. Foi creáu'l 28 de mayu de 1997 pol Conseyu d'Estáu per mediu del decreto llei nᵘ 172, cola cuenta d'estremar les funciones desempeñaes hasta entós pol so antecesor, el Bancu Nacional de Cuba. El Bancu Nacional de Cuba foi creáu en 1948 con capitales procedentes del Estáu y del sector financieru cubanu. Depués de ser reorganizáu en 1961, 1966, 1975 y 1984, pasó a ser propiedá esclusiva del Estáu. Cola creación del Bancu Central de Cuba en 1997 como un bancu estatal con autoridá monetaria y de cambéu estranxeru, el Bancu Nacional de Cuba nun sumió, sinón que dexó'l so funciones como bancu central al nuevu organismu, anque caltuvo les funciones d'un bancu comercial. Dende la so creación, el presidente del Bancu Central de Cuba foi Francisco Soberón Valdés, quien ye un miembru del Conseyu de Ministros de Cuba y fuera hasta entós presidente del Bancu Nacional de Cuba.
| Bancu Central de Cuba | |
|---|---|
| bancu central | |
 | |
| Llocalización | |
| Sede | L'Habana |
| Direición | Cuba |
| Historia | |
| Fundación | 28 mayu 1997 |
| Web oficial | |
 | |
Funciones del Bancu editar
Les atribuciones que tien el Bancu Central de Cuba son les siguientes:
- Emitir la moneda nacional y velar pola so estabilidá.
- Contribuyir al equilibriu macroeconómicu y al desarrollu ordenáu de la economía.
- Curiar les reserves internacionales del país.
- Proponer ya implementar una política monetaria que dexe algamar los oxetivos económicos que'l país plantégase.
- Asegurar el normal funcionamientu de los pagos internos y esternos.
- Dictar normes d'obligatoriu cumplimientu.
- Exercer les funciones relatives a la disciplina y supervisión de les instituciones financieres y les oficines de representación que s'autorice establecer nel país y cualesquier otres que les lleis encamiénten-y.
Amás, el Bancu Central de Cuba ta encargáu de perfeccionar el sistema monetariu, midir l'actividá económica, aguiyar la eficacia de la economía polo xeneral ysobremanera, la productividá del trabayu; normalizar les rellaciones financieres esternes del país (incluyíu la tema de la delda esterna) y sofitar les xestiones de creitu de les empreses cubanes y de los bancos integrantes del sistema financieru cubanu.[1]
Ver tamién editar
Referencies editar
- ↑ «Bancu Central de Cuba». Consultáu'l 22 d'abril de 2009.
Enllaces esternos editar
Datos: Q2607787
