Bandera Xitana

La Bandera'l Pueblu Xitanu o Romaní afitóse per vegada primera durante'l Primer Congresu Xitanu qu'aconceyó en Londres en 1971, nel que tamién s'entamó a trabayar nel que llueu sedría l'Himnu Xitanu (Gelem Gelem)

Bandera xitana.

Ye una adaptación de la bandera de la India. Divídise en dos franxes horizontales, azul y verdi, con una rueda colorada metanes les dos. La parte cimera, azul, simboliza'l cielu, que ye'l techu del llar del Pueblu Romaní, pola mor de la so historia como pueblu nómada. La d'embaxo, de color verdi, simboliza'l suelu o'l campu, el mundiu pel que debalen. La rueda, tamién presente na bandera de la India, amuesa los deseos de llibertá de movimientu más alló de les fronteres afitaes.

La bandera'l Pueblu Xitanu ye una seña d'identidá pa la comunidá romaní espardía pel planeta enteru. Como tal emplegóse nel funeral del cantante andaluz Camarón de la Isla (1950-1992)

La bandera'l Pueblu Xitanu úsase nos numberosos actos públicos que se cellebren cada añu. Ente ellos ta'l Día Internacional del Pueblu Xitanu, que se conmemora'l día 8 d'abril, data que foi afitada nel I Congresu Internacional de Londres yá mentáu equí y nel que tamién se tomaron alcuerdos pa la difusión de la llingua Romaní y n'otres estayes.