Abrir el menú principal

La bandera de Bulgaria ye una bandera tricollor formada por trés bandes horizontales del mesmu tamaño de collor, d'arriba embaxu, blancu, verde y bermeyu. La bandera foi adoptada tres de la guerra ruso-turca de 1877-1878, cuando'l país alcanzó la independencia. La bandera incluyía también, na esquina superior izquirda, l'escudu nacional, especialmente na era comunista. L'actual bandera quedó definida na constitución de 1991, y foi confirmada por una llei de 1998.

Bandera de Bulgaria
Flag of Bulgaria.svg
Datos
Estáu Bulgaria
Fecha d'adopción

16  d'abril de 1879

(140 años)
Proporción FIAV 111111.svg 5:3
Colores
     blancu (#FFFFFF)
     verde (#00966E)
     bermeyu (#D62612)
Cambiar los datos en Wikidata

HistoriaEditar

Tres de la lliberación de Bulgaria tres la guerra ruso-turca, en 1878, la bandera foi definida, na Constitución de Tarnovo de 1878, como vien darréu:

Art. 23. La bandera del pueblu de Bulgaria ye tricollor, y consiste en trés bandes horizontales de collor blancu, verde y bermeyu.[1]

Dende 1946 l'escudu de la República Popular de Bulgaria asitiose na esquina izquierda de la franxa blanca. Contenía la figura d'un llión rampante dientru de dos espigues de trigu enllazaes pela base, coronada por una estrella bermeya y asitiada sobre un llazu nel que figuraba la fecha del 9 de setiembre de 1944, la del golpe d'estáu que llevó al establecimientu de la República Popular. En 1971 al añu qu'apaecía nel llazu añedióse-y el 681, añu del establecimientu del Primer Imperiu búlgaru por Asparukh. Tres del final del comunismu la Constitución de Zhivkov, vixente nesa dómina, foi enmendada, de forma que la bandera volvió ser la de la era precomunista. La nueva constitución de 1991 describe la bandera como vien darréu:

Art. 166. La bandera de la República de Bulgaria será tricollor: blanca, verde y collorada d'arriba abaxu, con bandas en sentíu horizontal.[2]

Esiste tamién una versión popular de la bandera, que nun tien reconocimientu oficial. Inclúi l'escudu d'armes completu na fastera izquierda de la bandera, ocupando les franxes blanca y verde.

Llei de la banderaEditar

Acordies colo qu'apaez na Llei del Sellu del Estáu y la Bandera Nacional de la República de Bulgaria, promulgada'l 24 d'abril de 1998:

Art. 15. (1) La bandera nacional de la República de Bulgaria ye un símbolu nacional qu'espresa la independencia y soberanía del estáu búlgaru.

(2) La bandera nacional de la República de Bulgaria ye tricollor: tien trés campos blancu, verde y colloráu, asitiaos horizontalmente y d'arriba embaxu. Cuando se coloque la bandera nacional en posición vertical los collores habrán iguase d'izquierda a derecha: blancu, verde, colloráu.

(3) La bandera nacional tien forma rectangular. Los campos de cada collor han ser d'igual tamañu, y asitiaranse nel rectángulu en sentíu horizontal.[3]

ColloresEditar

Acordies col Comité de Metroloxía y Estandarización los collores de la bandera nacional de Bulgaria son:

Collores de la bandera de Bulgaria[4]
Esquema de collor Blancu Verde Colloráu
Escala testil Pantone[5] Blancor perriba del 80% 17-5936 ТСX[6] 18-1664 ТСX[7]
Pantone[5] Safe RAL 6024 RAL 3028
Collores web[5] #FFFFFF #009B75 #D01C1F
RGB 255,255,255 0,155,117 208,28,31

GaleríaEditar


ReferenciesEditar

  1. «Tarnovo Constitution of 1879» (bulgarian). Juridical Encyclopedia. Archiváu dende l'orixinal, el 2007-09-11. Consultáu'l 15 de setiembre de 2007.
  2. «Constitution of the Republic of Bulgaria». National Assembly of the Republic of Bulgaria. Consultáu'l 15 de setiembre de 2007.
  3. «Law for the State Seal and National Flag of the Republic of Bulgaria». National Assembly of the Republic. Consultáu'l 15 de setiembre de 2007.
  4. bg:Национално знаме на България
  5. 5,0 5,1 5,2 Government of Bulgaria (2005). «Bulgaria's National Flag». Consultáu'l 2007-11-09.
  6. PANTONE. «PANTONE 17-5936 TCX Simply Green - Find a Pantone Color - Quick Online Color Tool». Consultáu'l 12 December 2017.
  7. PANTONE. «PANTONE 18-1664 TCX Fiery Red - Find a Pantone Color - Quick Online Color Tool». Consultáu'l 12 December 2017.

Enllaces esternosEditar