Bandera de Sáḥara Occidental

La bandera del Sáḥara Occidental ye la mesma qu'emplegó'l Frente Polisariu dende 1973 na so llucha escontra la colonización española, y ta basada nel diseñu de la bandera de la rebelión árabe frente al Imperiu Otomanu que tuvo llugar na I Guerra Mundial. La bandera compónse de trés franxes horizontales del mesmu tamañu (prietu, blancu y verde), xuníes con un triángulu bermeyu asitiáu nel borde más averáu al asta; amás, tien l'añedíu de la media lluna y la estrella bermeyes nel centru de la bandera, símbolu emplegáu n'otros países magrebinos. Cuando se reconoza la independencia del Sáḥara Occidental, les franxes prieta y verde intercambiarase de llugar.

Bandera de Sáḥara Occidental
Flag of the Sahrawi Arab Democratic Republic.svg
Datos
Entidá República Árabe Saharaui Democrática
Fecha d'adopción

27  de febreru de 1976

(44 años)
Proporción FIAV 111111.svg 2:1
Colores negru, blancu, verde y bermeyu
Cambiar los datos en Wikidata