Bernile Nienau
Rosa Bernhardine Nienau (20 d'abril de 1926, Dortmund – 5 d'ochobre de 1943, Munich), llamada de normal Bernile o Berni, foi una neña alemana, amiga d'Adolf Hitler.
Bernile Nienau | |
|---|---|
| Vida | |
| Nacimientu | Dortmund, 20 d'abril de 1926 |
| Nacionalidá | Reich alemán |
| Muerte | Munich, 5 d'ochobre de 1943 (17 años) |
| Causa de la muerte | Poliomielitis |
| Oficiu | delliniante |
 | |
Biografía
editarYera fía de la enfermera Carolin Helwig (15/marzu/1892 – 26/xunetu/1962) y de Bernhard Nienau (23/xunu/1887 – 29/febreru/1926) qu'al igual que Hitler recibió la Cruz de Fierro de primer Clase na Primer Guerra Mundial, anque morrió poco primero de que la so fía naciera. Bernile visitó Obsersalzberg en 1932 per primer vegada, entós dixeron a Hitler que la neña cumplía años el mesmu día qu'él, el 20 d'abril. Por cuenta de eso, l'añu siguiente cuando ella taba nel ensame foi convidada a venir con él y depués a la so casa, onde pasiaron xuntos y tomaron freses con crema de lleche. Convidó a la familia a visita-yos siempres que quixeren, cosa que fixeron.[1]
Daquién afayó que la so güela paterna yera xudía; Martin Bormann foi informáu y avisó a los Nienau de que yá nun yeren bienveníos. Tou eso asocedió ensin que s'enterara de nada Hitler, que cuando preguntaba a Bormann porqué ella yá nun lo visitaba y si tenía él daqué que ver con esi asuntu, respondía con evasives.[2] Finalmente, cuando'l so fotógrafu Hoffmann empezó a usar les sos semeyes como propaganda y a publicar un álbum de Hitler con munchos neños, informóse-y. Reaccionó diciendo: «¡Hai xente que tien una gran xenialidá estropiando tolos mios pequeños placeres!».
A pesar de ser Viërteljudin (un cuartu de xudía), nun tuvo nengún prexuiciu con ella y siguió viéndola y escribiéndose con ella de forma habitual hasta 1939. Él regaló-y dalguna vez fotos con flores pegaes ente que ella cosía-y calcetos.
La so madre recibió la máxima pensión de viuda[3] y ella morrió'l 5 d'ochobre de 1943 nel Hospital de Munich, a los 17 años, por cuenta d'una poliomielitis. Atópase soterrada nel campusantu Munich's Westfriedhof.
Referencies
editar- ↑ Wilson, James. Hitler's Alipine Headquarters (n'Inglés), páx. 72.
- ↑ Salisbury, Trevor. The Rise of Hitler: Rare Photographs from Wartime Archives, páx. 141.
- ↑ David Irving. «End of story? Not quite: Mother and daughter were of Jewish blood.» (inglés). Consultáu'l 28 d'agostu de 2017.
Datos: Q15431229
