Bioloxía molecular

Bioloxía molecular
	rama de la biología (es)
	bioloxía

La bioloxía molecular ye'l estudiu de la vida a un nivel molecular. Esta área ta rellacionada con otros campos de la Bioloxía y la Química, particularmente xenética y bioquímica. La bioloxía molecular céntrase p'enriba tóo nel entendimientu de les interacciones de los estremaos sistemes de la célula, lo qu'inclúi bayura rellaciones, ente elles les del ADN col ARN, la síntesis de proteínes, el metabolismu, y el cómo toes eses interacciones son regulaes p'algamar un perfinu funcionamientu de la célula.

Al estudiar el comportamientu biolóxicu de les molécules que componen les célules vives, la Bioloxía molecular toca otres ciencies qu'aborden temes asemeyaos: asina, p. ex., xunto cola xenética interésase pola cadarma y funcionamientu de los xenes y pola regulación (inducción y represión) de la síntesis intracelular d'enzimes y d'otres proteínes. Cola citoloxía, ocúpase de la cadarma de los corpúsculos subcelulares (nucleu, nucléolu, mitocondries, ribosomes, llisosomes, etc.) y les sos funciones endientro la célula. Cola bioquímica estudia la composición y cinética de les enzimes, interesándose polos tipos de catálisis enzimática, activaciones, inhibiciones competitives o alostériques, etc. Tamién collabora cola Filoxenética al estudiar la composición concreta de determinaes molécules nas estremaes especies de seres vivos, dando a conoces pervaliosos datos pal conocimientu de la evolución.

D'otra miente, estrémase de toes estes ciencies numberaes tanto nos envises concretos como nos métodos emplegaos p'algamalos. Asina como la bioquímica investiga detalladamente los ciclos metabólicos y la integración y desintegración de les molécules que componen los seres vivos, la bioloxía molecular pretende fixase con preferencia nel comportamientu biolóxicu de les macromolécules (ADN, ARN, enzimes, hormones, etc.) endientru de la célula y desplicar les funciones biolóxiqus del ser vivu por estas propiedaes a nivel molecular.

Bioloxía molecular

Referencies