Farmacia
La farmacia, (del griegu: φάρμακον, "melecina"), ye la ciencia y práutica de la fechura y distribución de fármacos; tamién el llugar u se preparem los productos melecinales y el llugar onde se distribuyen, pero ésti ye llamáu botica pa destremar el conceutu de ciencia col de llugar. La farmacia ye una estaya de la Materia Médica, rama de les ciencies de la salú, que s'estudia la procedencia, naturaleza, propiedaes, y fechura de melecines.
Los farmacéuticos comparten colos químicos y los médicos la responsabilidá de sintetizar compuestos orgánicos con valir terapéuticu. Amás, cada vuelta más davezu solicítase conseyu a la comunidá de farmacéuticos en materia de salú y hixene. La Farmacia inclúi, amás de les conocencies sobre fármacos y melecines, conocimientos sobre farmacocinética, ello ye, los efeutos que puen tener éstos sobre'l cuerpu humanu y les propiedaes químiques y biolóxiques del cuerpu u actúa con aida de disciplines de la mesma farmacia o d'otros campos afines como son la farmacoloxía, farmacocinética, farmacodinamia, fisicoquímica, toxicoloxía, farmacotéunia y química farmacéutica.
Disciplines de la Farmacia
editarLa Farmacia tien raigaños na medicina, bioquímica, la química orgánica, la bioloxía vexetal y la bioloxía celular y molecular. Asina, la farmacia ye, en verdá, una bayura de disciplines de la ciencia, esta pue xebrase en trés estayes principales:
- Ciencies farmacéutiques
- Farmacia galénica
- Práutica farmacéutica
Amás d'estes disciplines, podemos añader otres de recién aplicación de la bioteunología vexetal o microbiolóxica como'l Pharming o la Biofarmacoloxía.
Enllaces esternos
editar
Wikimedia Commons tien conteníu multimedia tocante a Farmacia.
