Bron (xíriga)
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El bron ye una xíriga falada pol gremiu los caldereros en Miranda d'Avilés (n'Avilés, Asturies) y en San Xuan de Villapañada (Grau); ta rellacionáu col burón de los cesteros de Fornela (Lleón). J.M. Feito rellaciónalu tamién col broun d'Auvernia, en tierres yá de Francia.
Carauterístiques
editarTien abondes pallabres d'orixe xitanu (payo), francés antiguu (chen<chien, perru), gallego-portugués (filluma<filha, fía), dalguna del vascu (artón, pan) y hasta del inglés (xiripo<xérif, policía, guarda civil). La gramática de base suel ser la del asturianu, magar que a vegades úsase la del castellán, si bien ye un castellán perasturianizáu.
Gramática
editarTien el bron la carauterística de tender a usar la tercera persona del verbu, en llugar de la 1ª o 2ª. Exemplos: Moi tróbase del garo xipeno/Moi tróbome del garo xipeno (Yo soi del pueblu pequeñu) Toi acanea p'acá col yapo de gopa/Toi acanea p'acá col yapo de gopa (Vies col bastón)