Buggy

Un buggy, bugui o areneru ye un vehículu diseñáu p'andar na arena. Suel tener un xasis llixeru, una carrocería ensin techu ríxidu y ruedes grandes. Los primeres buggies fueron construyíos sobre la base del Volkswagen Escarabayu. El modelu ye moteyáu bug, que significa bichu n'inglés; buggy ye'l diminutivu de bug. Güei esisten buguis tantu basaos en modelos de producción como totalmente artesanales.

Buggy
Clasificación d'automóviles
automóvil y buggy (en)

Buggy.

Los buguis tán pensaos principalmente pa persones qu'esfruten cola conducción o diseñu d'esti tipu de vehículos. Gracies a les sos grandes ruedes suelen ser utilizaos nes zones costeres y los desiertos, onde puede circulase llibremente y saltar ente les numberoses dunes. Tamién pueden ser emplegaos pa trabayar nel campu, cuando se-yos apurre una suspensión reforzada. El so usu estendióse ente unidaes especiales de distintos cuerpos militares.

Por norma xeneral, la disposición del motor ye trasera al igual que la tracción. Esta configuración confier-y actitúes de sobreviraje. Anguaño tánse creando modelos con tracción a les 4 ruedes y versiones de 2 o 4 places.

La producción en serie estendióse a vehículos ensin carrocería, de normal fabricaos en China por cuenta del so baxu costu, pero de baxa calidá. Anque llegalmente tán llindaos en potencia a 20 CV y en velocidá a 70 km/h ta conferir motores de 650, 800 y hasta 1100 cc.

Intereses

Esti vehículu foi protagonista de series de televisión, tales como Wonderbug (o Magic Buggy) onde yera capaz de volar, según una historieta llamada Speed Buggy de los mesmos creadores de la serie animada Scooby-Doo, producida por Hanna-Barbera. Tamién tuvo presencia nel cine. Na comedia Y si non, enoxámonos protagonizada por Bud Spencer y Terence Hill, la destrucción del buggy yera'l motivu pol que los protagonistes empiecen la trama.

Enllaces esternos

• Wikimedia Commons acueye conteníu multimedia sobre Buggy.

• Datos: Q936066
• Multimedia: Dune buggies