Cóctel molotov

Un cóctel molotov o bomba molotov ye una bomba qu'ambura, de fabricación llariega cuyo envís, más que l'españar, ye l'espardimientu de los llíquidos inflamables que contién. Esti preséu ta fechu d'una mestura de ciertos productos qu'amburen (por ejemplu gasolina) con aceite de motor o serrín nun recipiente de cristal; clasifícase-y ente les bombes termobáriques de baxa intensidá.

Cóctel molotov
modelo de arma (es)
artefautu esplosivu improvisáu, arma incendiaria (es) y Granada de mano

Orixe del nomatu

El nome y emplegu d'esti preséu esplosivu, recoñoz el so orixe na Guerra d'Iviernu (magar que tamién s'usó primer na Guerra'l Chaco, Guerra Civil Española y la Segunda Guerra Mundial). Daquella Viacheslav Mólotov (Comisariu'l Pueblu pa los Asuntos Esteriores de la Xunión Soviética), comunicó per radio a la población finlandesa endurante la guerra, que l'exércitu rusu nun taba bombardiando sinón unviando xinta. Sarcásticamente, los fineses entamaron nomar a les bombes soviétiques «canastres de xinta Molotov». L'exércitu finlandés declaró que si «Molotov ponía la xinta, ellos pondríen los cócteles».2

Distintos modelos y usu Modelu orixinal de cóctel Molotov finlandés

Nos modelos clásicos, un rodillu o peazu tela nel focicu la botella sirve como mecha. Inflamase la mecha y llánzase. Al frayase'l cristal, el conteníu espárdese a la vegada qu'entra en contautu cola llamparida y s'ambura. L'aceite de motor fai que la gasolina s'axunte a cualquier superficie.

Nos cócteles d'impautu, en llugar de mecha, úsase ácedu sulfúricu ya hidróxidu de potasiu. Al llanzase la bomba, el cristal fráyase y lácedu entra en contautu cola potasa xenerando una brengosa reaición esotérmica (aumentu la temperatura), que fai inflamar el combustible. Amás de los daños pol fueu, añádese'l dañu corrosivu del ácedu. Otra calterística de la bomba d'ácedu ye que nos enfrentamientos nuecherniegos nun floca el posicionamientu'l llanzaor.

Emplegóse principalmente nos conflitos urbanos, dada la so fácil ellaboración y baxo coste. Tamién úsase nes manifestaciones o motines en dellos países escontra la policía antidisturbios. Tevo gran ésitu como arma antitanque, usándose nun entamu endurante la Guerra Civil Española, amás del so efeutu pa la moral de les tropes enemigues.