CRN

CRN (Canal Regional de Noticias), ye una cadena de televisión de difusión n'abierto n'España. La so parrilla ta conformada por boletines y programes informativos.

CRN
cadena de televisión y Canal temática
Direición	España
Historia
Fundación	xunetu 2004
Disolución	30 xunu 2011
Web oficial

Nació na llocalidá de Ciudad Real, Castiella-La Mancha. Nesi momentu, les sos sigles yeren l'acrónimu de (Ciudad Real Noticies), nome que camudó al estendese por Andalucía, cola compra de parte d'Onda Giralda.

Nes concesiones de TDT, n'Andalucía, Green Publicidad y Medios (del mesmu propietarie) fízose con 28 llicencies, que sumaes a les 7 d'Onda Giralda, y otres 7 d'empresas asociaes, faen de CRN la canal llocal con mayor cobertoria na TDT andaluza. Cobertoria que ye total nes provincies de Cádiz, Huelva y Jaén, cuasi total en Sevilla onde solo-y falta llicencia na demarcación d'Utrera, y más reducida nes provincies d'Almería, onde tienen 2 licencias (Ejido y Nijar) nes 5 demarcaciones, Córdoba con 7 (Córdoba, Lucena, Montilla, Palma Río, Priego Córdoba, Puente Genil y Montoro) sobre 11 y Granada con 2 (Granada y Motril) sobre 8, a las que suma una llicencia autonómica en Castiella-La Mancha.

N'abril de 2008, CRN robla un alcuerdu pa la producción de los programes informativos de la canal madrileña 8madrid, disponible na totalidá de la Comunidá de Madrid. CRN Madrid emitía 6 boletinos diarios d'información nacional y rexonal, hasta'l fin de l'alcuerdu nel añu 2010.

N'iviernu de 2009, CRN-Sevilla cesa definitivamente les sos emisiones, como consecuencia d'un embargu xudicial decretáu por impagu a la so plantilla de trabayadores y a la Tesorería Xeneral de la Seguridá Social.

Domingo Díaz de Mera dexa'l proyeutu nesi puntu, cediéndo-y el control íntegru al so sociu, Ignacio Barco.

En xineru de 2010, CRN Casteilla-La Mancha zarra tamién les sos delegaciones en Guadalajara, Cuenca y Albacete y tresllada el centru de producción a Ciudad Real desde Toledo, que queda convertía nuna mera delegación. Tolos sos trabayadores foron despedíos y la delegación de Toledo reducía al mínimu. CRN dexa tres de sí un regueru d'impagos y perxuicios, oculta tres un entramáu d'empreses.

El 30 de xunu de 2011 la canal CRN cesa les sos emisiones, dende'l 16 de xunu de 2011 na TDT de Castiella La Mancha.

Enllaces esternos

• Páxina oficial

• Datos: Q5403941