Tasunka witko (pronunciau tashúnka uitko) (na llingua siux) o Caballu Llocu (na so torna del Inglés Crazy Horse), (4 d'avientu de 1840 (la fecha esauta nun ye segura) – 5 de setiembre de 1877) yera'l cabezaleru de los Sioux Oglala, una tribu d'amerindios notable pola valía nes batalles de los sos guerreros. Reconocíu pol so propiu pueblu como un cabezaleru visionariu comprometíu cola preservancia de les tradiciones y los valores sioux, encamentó al so pueblo a llibrar una guerra escontra los blancos pa recuperar les sos tierres. El so nome, Caballu Llocu, foi-y dau por suañar con un caballu salvaxe.

Caballu Llocu
xefe tribal


comandante (es) Traducir

Vida
Nacimientu Dakota del Surcirca 1840
Nacionalidá Siux oglala
Residencia Dakota del Sur
Grupu étnicu sioux (es) Traducir
Llingua materna Idioma siux
Muerte Fort Robinson (en) Traducir5 de setiembre de 1877[1] (36/37 años)
Sepultura valor desconocíu
Causa de la muerte firida por pinchatu
Estudios
Llingües falaes Idioma siux
Oficiu políticuxefe tribal
Serviciu militar
Lluchó en Guerra de Nube Roja (es) Traducir
Guerra de Black Hills (es) Traducir
Cambiar los datos en Wikidata
Caballu Llocu y la so tropa camín de Camp Sheridan pa se rendir énte el Xeneral Crook en Red Cloud Agency, Mayu 6, 1877 / Berghavy ; Sketch.

Cuando los colonos y l'exército de los Estados Xuníos Llanzáronse a la invasión del territoriu indiu nes llanures centrales, Caballu Llocu formó una alianza con otros pueblos indios pa combatir a los blancos, xunto con Toru Sentau y Nube Bermeya. Dotau de capacidá táutica enforma, y destreza nel combate, inflixó una severa derrota a los soldaos estauxunidenses en Fetterman, (1866). La presión de los colonos (buscadores d'oru, cazadores de búfalos) y los constantes enfrentamientos colos indios que prevocaba emburrió al Gobierno americanu a establecer un trata de paz (Tratáu de Fort Laramie, 1868), pol que dábase a lakotas y cheyennes terrenos propios baxo la so xurisdicencia autónoma. Ensin embargu, Caballu Llocu nun aceutó l'alcuerdu, colando col so pueblu fuera de la gran reserva Sioux fixada pol Gobiernu.

Pa somorguiar a esti y otros pueblos allugaos fuera de les llendes, el Gobiernu emprendió una amplia campaña militar en 1876, na que produxéronse les victories indies de Rosebud River y ena batalla de Little Big Horn (1876), na que morriera el famosu xeneral Custer. La presión del exérciu norteamericanu angariyó a Caballu Llocu a rendise, siendo confináu en Fort Robinson. A les poques selmanes, el 5 de setiembre de 1877, morrió asesináu a bayonetazos.

Bibliografía editar

(n'inglés)

  • Crazy Horse: The Life Behind the Legend, John Wiley & Sons, 2000, ISBN 0-471-24182-2
  • Crazy Horse, the Strange Man of the Oglalas, a biography. Mari Sandoz. 1942. [ISBN 0-8032-9211-2]
  • Crazy Horse and Custer: The epic clash of two great warriors at the Little Bighorn. Stephen E. Ambrose. 1975
  • The Killing of Chief Crazy Horse: Three Eyewitness Views by the Indian, Chief He Dog the Indian White, William Garnett the White Doctor, Valentine McGillycuddy. Robert Clark. 1988. [ISBN 0-8032-6330-9]
  • Crazy Horse (Penguin Lives). Larry McMurtry. Puffin Books. 1999. ISBN 0-670-88234-8
  • "Debating Crazy Horse: Is this the Famous Oglala". Whispering Wind magazine, Vol 34 # 3, 2004. A discussion on the improbability of the Garryowen photo being that of Crazy Horse (the same photo shown here). The clothing, the studio setting all date the photo 1890-1910.
  • The Journey of Crazy Horse: A Lakota History. Joseph M. Marshall III. 2004
  • "The Authorized Biography of Crazy Horse and His Family Part One: Creation, Spirituality, and the Family Tree". William Matson and Mark Frethem Producers. DVD of Crazy Horse family oral history compiled from over 100 hours of videu shot of the family visiting Crazy Horse sites and speaking of their great grandfather. 99 minutes. Reel Contact, 2006.


Ver tamién editar

Referencies editar

  1. Afirmao en: Encyclopædia Britannica Online. Identificador Encyclopædia Britannica Online: biography/Crazy-Horse. Apaez como: Crazy Horse. Data de consulta: 9 ochobre 2017. Llingua de la obra o nome: inglés.

Enllaces esternos editar

(n'inglés)