Cabral
Cabral[2] ye una entidá de población de la parroquia de Santa Colomba, n' Allande.
 Cabral | |
|---|---|
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Allande |
| Parroquia | Santa Colomba |
| Tipu d'entidá | casería[1] |
| Más información | |
| Estaya horaria | UTC+01:00 |
 | |
L'INE establez que Cabral ye una casería[3] de 5 habitantes (4 homes y 1 muyer). El so códigu de referencia ye 33 001 110400.[4]
Alcuéntrase a una distancia de La Puela, capital del conceyu, de 17 km. Tien una altitú máxima de 600 m sobre'l nivel del mar. Pal añu 2001 contaba con 5 viviendes, 2 principales y 3 non principales.[5]
Valdegallía
editarValdegallía ye un barriu independiente de Cabral, a unos 500 metros de distancia de la casería y a 640 metros sobre'l nivel del mar. Alcuéntrase despobláu, anguaño.[6]
Topónimu
editarCuenta Xosé Lluis García Arias, al falar de los topónimos "Cabrales y Cabranes":
- Del llatín CAPRAM ‘cabra’ (EM) apaecen continuadores na toponimia menor y posiblemente, con incrementación de dalgún sufixu, nos nomes de población como:
- CAPRALEM > Cabral (An), Cabrales.[7]
Sitios d'interés
editarLa casería de Cabral cuenta con dos puntos d'interés: la braña y el fayéu centenariu, que s'estiende dende los pies de la braña hasta'l calce del arroyu de la Corva, y onde s'amiesten a les fayes, rebollos, carbayos y dellos texos.[8]
Alrodiu'l pueblu, puen atopase dellos cortinos índa n'usu.[9]
Por último, atravesando'l fayéu en direición a la braña, puénse atopar los restos arqueolóxicos de la Fana de la Freita, la mina romana a cielu abiertu más grande de tol conceyu.[10]
Referencies
editar- ↑ Afirmao en: Nomenclátor d'entidaes de población d'Asturies. Data de consulta: 22 ochobre 2024. Editorial: Sociedá Asturiana d'Estudios Económicos ya Industriales.
- ↑ «Nomes de conceyos, parroquies, pueblos y llugares del Principáu d'Asturies» (asturianu) páx. 20. Uviéu: Academia de la Llingua Asturiana (14 d'abril de 2000). Archiváu dende l'orixinal, el 6 de marzu de 2023.
- ↑ «SADEI: Noménclator d'entidaes del Principáu d'Asturies» (en castellanu).
- ↑ Nomenclátor del INE, 2012[1]
- ↑ Nomenclator de la SADEI [2]
- ↑ Mª. del Roxo y A. Álvarez, Ayande. Guía completa, 2012, páxs. 58 y 278.
- ↑ Xose Lluis García Arias, "Toponimia Asturiana"[3]
- ↑ Mª. del Roxo y A. Álvarez, Ayande. Guía completa, 2012, páx.58
- ↑ Mª. del Roxo y A. Álvarez, Ayande. Guía completa, 2012, páx.59
- ↑ Mª. del Roxo y A. Álvarez, Ayande. Guía completa, 2012, páx.284
Datos: Q25931652
