Cabu Norte

El cabu Norte (en noruegu, Nordkapplatået) ye un puexu alcontráu na islla de Magerøyá, nel norte de Noruega, na comunidá de Nordkapp. El so cantil, de 307 m d'altor, ye consideráu con frecuencia'l puntu más septentrional d'Europa. Sicasí, el vecín cabu Knivskjellodden tópase unos 1.500 metros más al norte. Amás, dambos puntos atopase nuna islla, lo que significa que'l puntu más septentrional de la Europa continental ye, en realidá, el cabu Nordkinn.

Cabu Norte
Midnight sun.jpg
Situación
PaísBandera de Noruega Noruega
CondáuTroms og Finnmark
ConceyuNordkapp
Tipu cabu
Asitiáu en Mar de Noruega
Coordenaes 71°10′21″N 25°47′04″E / 71.1725°N 25.7844°E / 71.1725; 25.7844Coordenaes: 71°10′21″N 25°47′04″E / 71.1725°N 25.7844°E / 71.1725; 25.7844
Cabu Norte alcuéntrase en Noruega
Cabu Norte
Cabu Norte
Cabu Norte (Noruega)
Datos
Web oficial
Cambiar los datos en Wikidata

Según la Organización Hidrográfica Internacional, el cabu Norte ye la llende ente'l mar de Noruega, al oeste, y el mar Blanco, al este, siendo por tantu tamién unu de les llendes usaes pa dixebrar l'océanu Atlánticu del océanu Árticu.

HistoriaEditar

La denominación de cabu Norte foi acuñada pol esplorador británicu Richard Chancellor en 1553, cuando devasó'l cabu na busca del Pasu del Nordés. De magar, recibe frecuentes visites d'esploradores que xuben a la planicie esguilando'l cantil; visitantes famosos fueron el rei Óscar II de Suecia en 1873 y el rei Chulalongkorn de Tailandia en 1907. Anguaño, cabu Norte ye una importante atraición turística qu'inclúi un ampliu centru turísticu, qu'alluga un gran númberu d'esposiciones sobre la historia del llugar.

En 1943, la batalla de Cabu Norte desenvolvióse frente a esti cabu nel océanu Árticu.[1]

ReferenciesEditar

  1. Busch, Fritz-Otto (1956). The Sinking of the Scharnhorst. Robert Hale, LTD. ISBN 0-86007-130-8.

Enllaces esternosEditar