Cayetano Álvarez Bardón
Cayetano Álvarez Bardón (1881, Carrizo de la Ribera (es) 
– 1924, Uviéu), más conocíu como Caitano, [3] foi un militar y escritor llionés.
Cayetano Álvarez Bardón | |
|---|---|
| Vida | |
| Nacimientu |
Carrizo de la Ribera (es) , 1881[1] |
| Nacionalidá |
 España |
| Muerte | Uviéu, 1924[2] (42/43 años) |
| Estudios | |
| Llingües falaes |
castellanu lleonés |
| Oficiu | escritor, militar |
 | |
Militar de profesión, sábese que participó na Guerra d'África y qu'ellí algamó'l grau de capitán. Más tarde viviría n'Uviéu, onde exerció como auxiliar de mayoría nel gobiernu militar y de Delegáu Gubernativu en Llanera y La Ribera. Casáu con Juana García de Casielles López.
Anque descendía d'una familia procedente d'Oumaña y asentada en La Cepeda, Caitano nunca residió nesta comarca. Únicamente permanecería de manera temporal en dellos momentos de la so infancia. La so casa familiar de Quintana, tovía en pie, porta una placa conmemorativa colocada'l 7 d'agostu de 1999.[4]
Obra
editarCayetano Álvarez Bardón foi un estudiosu del asturllionés, procedente elli mesmu de la Provincia de Lleón. La so obra más conocida ye Cuentos en dialecto leonés. Publicada en 1907, ta considerada l'entamu del reconocimientu per parte de la sociedá llionesa de la so llingua propia, siendo un llibru mui exitosu que se reeditó en 1920, 1971 y 1987.
El so llabor foi consideráu capital pa los estudios sobre'l l'idioma asturianu llevaos a cabu por Ramón Menéndez Pidal, ya que daba muestres de las formes dialeutales propies de La Cepeda. Inclusive güei ye tomáu como fonte de referencia en datos llingüísticos, como la propia recuperación del nome autóctonu de la rexón, qu'apaez nos sos testos na forma semicastellanizada como «Lion». Fixo bien d'escritos pa la creación d'una Historia de la Provincia de León que, llamentablemente, foron destruyíos.
Güei la so dedicación a la cultura llionesa ta honrada na ciudá de Lleón, con una cai de la capital que lleva'l so nome nel barriu d'El Ejido dende l'añu 2000.
Referencies
editar- ↑ «Na nuesa fala guapina» (castellanu). Diario de León (5 ochobre 2007). Consultáu'l 20 payares 2024.
- ↑ Identificador BNE: XX846385. Data de consulta: 9 ochobre 2017. Apaez como: C. A. Bardón. Afirmao en: datos.bne.es. Llingua de la obra o nome: castellanu.
- ↑ «Na nuesa fala guapina». Archiváu dende l'orixinal, el 2014-05-03.
- ↑ «Cayetano Álvarez Bardón. Carrizo de la Ribera.». Archiváu dende l'orixinal, el 2014-06-06.
Enllaces esternos
editar
Datos: Q5017863
