Camín

Camín ye un espaciu documental n'asturianu estrenáu pela A7 el sábadu 28 de mayu del 2011 a las 13.00 hores. El programa ye la continuación de Camín de cantares. L'espaciu, al igual que'l so antecesor, ta presentáu por Xosé Antón Fernández Ambás y dirixíu por Ramón Lluís Bande. Sicasí, la producción pasó d'Ambitu Audiovisual a la Productora de Programes del Principáu y De la Piedra Producciones.

Camín
Datos
País d'orixe	España
Emisión
Emisora	A7
Varios

Argumentu

L'espaciu continúa y amplía la propuesta de Camín de cantares de los cuatro años anteriores. La serie propón, nos trece capítulos de la primer temporada, un viaxe per Asturies p'averase a les manifestaciones más enraigonaes de la cultura popular. Asina, recueye los oficios, arquiteutura popular, tradiciones, bailles, etcétera. La serie avera tamién a los espectadores asturianos el trabayu de los cunqueiros, goxeros, madreñeros, teitadores y el procesu d'elaboración del pan d'escanda, ente otros temes, xunto cola música tradicional, los cantares y estremaes manifestaciones de la cultura oral, que son l'alma del programa.

Estructura

Cada capítulu cuenta con dellos invitados qu'afonden nos estremaos conteníos. Los temes musicales de la serie van ser les asturianaes, los cantares pa la danza, los romances, los cuentos y un repertoriu ampliu de pandereta. Asina, la serie quier realizar un retratu axustáu de les formes de vida que perviven na Asturies rural. Amás, Ambás percuerre tol territoriu del país p'amosar la bayura del idioma asturianu, dalgo que yá caracterizaba a Camín de cantares.

Enllaces esternos

• Wikimedia Commons tien conteníu multimedia tocante a Camín.

• Datos: Q13146863