Campeonatu d'Asturies de Liriu
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El Campeonatu d'Asturies de Liriu ye la competición por equipos asoleyada pol Conceyu Nacional de Liriu p'algamar l'equipu más competitivu ente los que lu integren. Los Campeonatos vienen disputándose en tantes xornaes como equipos formen el CNL, teniendo caún la obligación d'organizar una. Dende 2009, van disputaos dos Campeonatos, dambos algamaos pol equipu uvieín Espor d'Asturies.
Campeonatu d'Asturies de Liriu | |
|---|---|
| Xeneral | |
| Tipu de competición | actividá deportiva periódica |
| Deporte | liriu |
| Organizador | Conceyu Nacional de Liriu |
| Historia | |
| Fundación | 2009 |
| Competición | |
 | |
I Campeonatu d'Asturies de Liriu 2009
editarDempués de les conversaciones ente los trés equipos fundadores del Conceyu Nacional de Liriu (Asturlirio, Quirinal Liriu Sport y Espor d'Asturies), el sábadu 18 de xunetu de 2009 róblase l'Acuerdu pa la Celebración del I Campeonatu d'Asturies de Liriu [1] en LLamorgal, LLanera. Nesi alcuerdu pónense los sofitos del Campeonatu: el sistema competitivu, el sistema de xuegu y les condiciones del tarrén y la ferramienta.
1ª xornada
editarEspor d'Asturies, 73 – Quirinal Liriu Sport, 65 – Asturlirio, 51 LLamorgal, LLanera. 18 de xunetu de 2009. De secute la robla, celébrase la primer xornada del Campeonatu, organizada por Espor d'Asturies. A 30 carreres, puntuando'l primeru néncastrar 3 puntos de carrera, el segundu 2, y el terceru, 1.
- Espor d'Asturies: Suari, Iyán, Luis, Sergio y Xuacu.
- Quirinal Liriu Sport: Pravia y Xermán.
- Asturlirio: Javi, Falo, Popes, Sandra y Laura.
2ª xornada
editarQuirinal Liriu Sport, 74 – Espor d'Asturies, 80 Poliderpotivu de la Magdalena, Avilés. 22 d'agostu de 2009. La segunda xornada del Campeonatu ye organizada por Quirinal Liriu Sport. L'equipu Asturlirio nun comparez. Dispútase a 30 carreres, celebraes de dos en dos. Puntúen 3 puntos de carrera'l primeru n'encastrar y 2 el segundu.
- Quirinal Liriu Sport: Mora, Pravia, Xermán, Julián y Hevia.
- Espor d'Asturies: Pepa, Sergio, Luis, Carlos, Iyán y Xuacu.
3ª xornada
editarEspor d'Asturies, 84 – Quirinal Liriu Sport, 83 Pista Polideportiva de Piarnu, Castrillón. 7 de payares de 2009. La imposibilidá de comparecer del equipu Asturlirio, fai que los dos equipos restantes organicen la xornada. Dispútase a 32 carreres, celebraes de dos en dos. Puntuaron 3 puntos de carrera'l vencedor y 2 el segundu.
- Espor d'Asturies: Carlos, Xuacu, Luis Carlos y Sergio.
- Quirinal Liriu Sport: Xerman y Hevia.
Clasificación final
editar| Puestu | EQUIPU | Ptos. de carrera | Ptos. de partida |
|---|---|---|---|
| 1 |  Espor d'Asturies |
237 | 12 |
| 2 |  Quirinal Liriu Sport |
222 | 6 |
| 3 | Asturlirio | 51 | 1 |
II Campeonatu d'Asturies de Liriu 2010
editarFicieron falta dos aconceyamientos previos, n'Avilés y en La Caizuela, p'algamar el consensu pala nueva reglamentación de la Temporada 2010. Los cinco equipos (Asturlirio, Quirinal Liriu Sport, Espor d'Asturies, Sidrones y la Camaretá de Liriu de Noreña) alcordaron un camudamientu nel sistema de puntuación de les carreres, p'axilizar el so trescursu con cinco xugadores en caúna, y de la xornada. Les puntuaciones de cada carrera quedaben de la siguiente forma: [3]
- "En cada carrera puntuarán los tres primeros xugadores en encastrar: 3, 2 y 1 puntu respeutivamente. En casu d'empate, otórguense los mesmos a tolos xugadores empataos, anque seyan más de tres, per enriba, dexando llibre el/los siguientes puestos."
- "Establezse en 3 el númberu de rondes posteriores a que’l primer xugador encastre’l so liriu, pa que’l restu xugadores de la carrera encastren los de so. Solo puntuarán aquellos que lo faigan nesi intre, faciéndolo según la posición d'encastre, independientemente de la ronda cuando lo faigan."
El campionatu disputóse a cinco xornaes, onde cada equipu organizaba una.
1ª xornada
editarEspor d'Asturies, 63 – Camaretá de Liriu de Noreña, 46 – Asturlirio, 24 – Sidrones, 16 – Quirinal Liriu Sport, 43 Colexu Públicu El LLano, de Xixón. 28 de marzu de 2010. L'eventu, que se completó col I Abiertu de Liriu d'El LLano, fue organizáu por Espor d'Asturies. La partida fue a 30 carreres, de les qu'Espor d'Asturies enconstró en primer llugar 14 veces. Los trés xugadores más granibles de la partida fueron Xermán de Quirinal Liriu Sport (con un cociente de 0.92), Toño de Sidrones (0.91) y Aarón de la Camaretá de Liriu de Noreña (0.88).
- Espor d'Asturies: Iyán, César, Lucía, Sergio, Suari y Xuacu.
- Camaretá de Liriu de Noreña: Pacheco, Lucía, Adrián, Aarón y Iyán.
- Asturlirio: Falo, Enrique, Marisa, Martínez, Tere y Javier.
- Sidrones: Portali, Paula, María, Lilian, Rebeca, Eva, Evina y Toño.
- Quirinal Liriu Sport: Pravia, Xermán, Hevia y Guillermo.
2ª xornada
editarCamaretá de Liriu de Noreña, 16 – Asturlirio, 18 – Sidrones, 11 – Quirinal Liriu Sport, 14 - Espor d'Asturies, 35 Paséu Frai Ramón, Noreña. 25 d'abril de 2010. La Camaretá de Liriu de Noreña organiza ún de los eventos más espectaculares hasta'l momentu nel Paséu Frai Ramón de la villa condal, na cai, delantre'l quioscu la música. Axúntase'l I Abiertu'l Picadillu de Noreña. La partida dispútase a 15 carreres. Espor d'Asturies lleva 9 d'eses carreres. Quirinal Liriu Sport solamente comparez con trés machorradores, lo que ye insuficiente pa puntuar na clasificación xeneral. Los xugadores más granibles son Suari y Iyán, d'Espor d'Asturies, con un plenu de puntos, y Javier d'Asturlirio, con un cociente de 0.88.
- Camaretá de Liriu de Noreña: Iyán, Adrián, Lucía, Pacheco, Abel y Aarón.
- Asturlirio: Falo, Marisa, Tere, Javier y Martínez.
- Sidrones: Toño, María, Paula, Portali, Eva, Dani y Lilian.
- Quirinal Liriu Sport: Guillermo, Hevia y Juan.
- Espor d'Asturies: Mara, Luis Carlos, Suari, Iyán y Sergio.
3ª xornada
editarSidrones, 29 – Quirinal Liriu Sport, 22 – Espor d'Asturies, 30 – Camaretá de Liriu de Noreña, 36 – Asturlirio, 25 Colexu Públicu Maliayo, de Villaviciosa. 22 de mayu de 2010. Los Sidrones llevaron esta xornada a Villaviciosa, onde se celebró amás el I Abiertu maliayu de Liriu. Disputóse a 20 carreres. La Camaretá lleva 9 y gana la partida, pero solo con tres machorradores, lo qu'impide que puntúe na clasificación xeneral en favor d'Espor d'Asturies, que queda segundu. Los meyores xugadores de la aprtida van ser Suari d'Espor d'Asturies (0.83), Toño de Sidrones (0.77) y Pacheco de la Camaretá de Liriu de Noreña (0.75).
- Sidrones: Dani, María, Paula, Portali, Xandru y Toño.
- Quirinal Liriu Sport: Xermán, Pravia, Juan y Hevia.
- Espor d'Asturies: Sergio, Pepa, Suari y César.
- Camaretá de Liriu de Noreña: Abel y Pacheco.
- Asturlirio: Enrique, Falo, Javier, Martínez, Marisa y Tere.
4ª xornada
editarQuirinal Liriu Sport, 30 – Espor d'Asturies, 50 – Asturlirio, 53 – Sidrones, 39 Colexu Públicu de La Caizuela, Illas. 27 de xunu de 2010. Quirinal Liriu Sport organiza la xornada nel conceyu d'Illas, cola partida y el I Abiertu'l Coneyu d'Illas. La Camaretá nun se presenta, polo que'l restu los equipos deciden aprovechar la velocidá de les carreres a cuatro xugadores pa disputar les 30 máximes reglamentaries. Asturlirio, que gana la partida, algama 13 carreres pa so. Pero los puntos de partida del segundu puestu valíen-y a Espor d'Asturies pa consiguir el Campeonatu. Los tres xugadores más valiosos van ser Sergio d'Espor d'Asturies (0.95), Javier d'Asturlirio (0.87) y Toño de los Sidrones (0.83).
- Quirinal Liriu Sport: Pravia, Xermán, Hevia, Juan y Guillermo.
- Espor d'Asturies: Xuacu, Suari, Mara y Sergio.
- Asturlirio: Falo, Javier, Enrique, Martínez, Marisa y Tere.
- Sidrones: Toño, Dani, Eva, Paula y María.
5ª xornada
editarAsturlirio, 28 – Espor d'Asturies, 48 – Quirinal Liriu Sport, 27 – Sidrones, 25 – Camaretá de Liriu de Noreña, 29 Polideportivu de Piedrasblancas, Castrillón. 24 de xunetu de 2010. El equipu decanu, Asturlirio, decidió finar el Campeonatu na mítica plaza de Piedrasblancas, organizando amás el I Abiertu de Piedrasblancas de Liriu. La partida tuvo un llargor de 20 carreres, siendo 13 pa Espor d'Asturies. La Camaretá presentóse solo con dos xugadores. Cuatro xugadores consiguieron 11 de los 12 puntos que disputaron (0.92): Javier d'Asturlirio y Sergio, Xuacu y Iyán, d'Espor d'Asturies.
- Asturlirio: Falo, Javier, Marisa, Enrique, Martínez y Tere.
- Espor d'Asturies: Xuacu, Suari, Iyán, Pepa y Sergio.
- Quirinal Liriu Sport: Hevia, Xermán, Pravia y Guillermo.
- Sidrones: Dani, Toño, Portali y Paula.
- Camaretá de Liriu de Noreña: Abel y Tino.
Clasificación
editar| Puestu | EQUIPU | Ptos. de carrera | Ptos. de partida |
|---|---|---|---|
| 1 | Espor d'Asturies |
226 | 28 |
| 2 | Asturlirio | 148 | 19 |
| 3 | Sidrones | 109 | 12 |
| 4 | Quirinal Liriu Sport |
136 | 10 |
| 5 | Camaretá de Liriu de Noreña | 124 | 7 |
Referencies
editarEnllaces esternos
editar
Datos: Q13146860
![[2]](http://2.bp.blogspot.com/_phdyTIwopCQ/SvmJEXaxNiI/AAAAAAAAAZc/qMssQKg1ryI/s1600-h/clasificacion.jpg){kind=link}