Canesba

Les canesbes son les fases xuveniles de los animales con desenvolvimientu indireutu (con metamorfosis) y que tienen una anatomía, fisioloxía y ecoloxía distinta del adultu. Na llingua común les canesbes reciben frecuentemente nomes distintos a los adultos; ési ye'l llugar qu'ocupen pallabres como gata (caparines), caresa o belesa (mosques), o cucharapa (xaronques y sapos) Les canesbes difieren siempres bien significativamente de los adultos, n'aspeutos como tamañu, forma esterna, ya inclusive anatomía interna y fisioloxía (desenvolvimientu de les sos funciones). Les diferencies guarden rellación coles diferencies ecolóxiques, tantu tocantes a hábitat como tocantes a los recursos.

Considerancies xenerales

Ye habitual que les canesbes ocupen un nichu ecolóxicu y moren nun hábitat distintu al de los adultos. Por casu, los caballinos del diañu, los mosquitos o les xaronques pasen la so vida adulta nel mediu aereu, pero les sos canesbes son acuátiques. Nestos casos ye normal que les canesbes presenten branquies y los adultos sistemes aéreos d'intercambiu de gases, como los pulmones nos anfibios o'l sistema traqueal nos inseutos. La caresa de la moscarda aliméntase de cadabres, ente que l'adultu busca flores de les que toma'l néctar; esto ye lo que xustifica que plantes como l'Amorphophallus titanum o la estapelia, sían a consiguir los sos servicios como polinizadores.^[1] Na formiga lleón (un neurópteru, a pesar del so nome) la canesba ye depredadora, mientres l'adultu busca alimentos vexetales. Munchos invertebraos marinos bentónicos producen canesbes planctóniques que son abasnaes poles corrientes y asina pueden colonizar substratos nuevos.

En cualesquier animal, el desenvolvimientu de les gónaes ye la principal diferencia ente un individuu xuvenil y un adultu, pero la evolución ruempe dacuando la sincronización ente los desarrollos de los diversos sistemes orgánicos (heterocronía), adelantrándose'l maduror sexual. El casu más notable ye'l que se repara en munchos anfibios caudaos, como'l conocíu «ajolote», onde los individuos neoténicos algamen el maduror reproductivu ensin metamorfosiase.

Inseutos

Nos inseutos con metamorfosis completa (holometabolismu) esisten dellos estadios de desenvolvimientu: güevu, canesba, pupa ya imagu (adultu) netamente estremaos. Nun siguen creciendo dempués de la metamorfosis (nun camuden), como ye'l casu de los inseutos holometábolos, les canesbes algamen un tamañu mayor que los adultos, invirtiéndose la diferencia de masa nel esfuerciu fisiolóxicu qu'acompaña al tresformamientu.

N'otros casos les diferencies son discretes como asocede nos inseutos hemimetábolos, onde namái falten les ales y el desenvolvimientu de los xenitales nos estadios xuveniles, a los que se llama entós ninfes.

El tresformamientu n'adultu, denomáu metamorfosis, rique una reorganización más o menos intensa de l'anatomía esterna ya interna, de manera que pa llevar a cabu la mesma deben frecuentemente dixerise texíos, con apoptosis, y formase órganos nuevos. En particular la metamorfosis suel producise mientres una fase de reposu, que ye'l casu que representen les pupes de les mosques, políes, etc. o les crisálides de les caparines. Pa entrar nesa fase, la canesba puede buscar abellugu o ellaboralo, como faen les caparines de la seda.

Canesbes

Canesbes de mosquitos del xéneru Culex. Como puede vese na semeya, les canesbes formen grupos compactos n'agües enllancaes. Un cambéu nel comportamientu alimenticiu d'estos mosquitos dexa esplicar l'aumentu de la prevalencia del virus del Nilu Occidental n'América del Norte.

Canesba parasítica d'Eurytoma gigantea n'agalla de (Solidago sp.).

Canesba de mosca Syrphidae alimentándose de pulgones.

Llista alfabética de les canesbes de los invertebraos:

Canesba acantor (Acantocéfalos)
Canesba actinotroca (Foronídeos)
Canesba actínula (Hidrozoos)
Canesba anfiblástula (Poríferos)
Canesba auricularia (Holoturoideos)
Canesba bipinnaria (Asteroideos)
Canesba braquiolaria (Asteroideos)
Canesba celoblástula (Poríferos)
Canesba cercaria (Trematodos)
Canesba cidípida (Ctenóforos)
Canesba cifonauta (Briozoos)
Canesba cipris (Cirrípedos)
Canesba coracidio (Cestodos)
Canesba dauer (Nematodos)
Canesba de Desor (Heteronemertinos)
Canesba de Göte (Turbelarios)
Canesba de Müller (Turbelarios)
Canesba dipléurula (Equinodermos)
Canesba diporpa (Monogéneos)
Canesba doliolaria (Crinoideos, Holoturoideos)
Canesba equinoderoide (Nematomorfos)
Canesba equinoplúteus (Equinoideos)
Canesba estomoblástula (Poríferos)
Canesba estrongiloide (Nematodos)
Canesba gloquidio (Bivalvos)
Canesba hexacanta o oncosfera (Cestodos)
Canesba infusoriforme (Rombozoos)
Canesba metacercaria (Trematodos)
Canesba microfilaria (Nematodos)
Canesba miracidio (Trematodos)
Canesba mitraria (Poliquetos)
Canesba nauplio (Crustáceos)
Canesba ofioplúteus (Ofiuroideos)
Canesba oncomiracidio (Monogéneos)
Canesba pandora (canesba) (Ciclióforos)
Canesba parenquímula (Poríferos)
Canesba pedivelígera (Bivalvos)
Canesba pericalimna (Escafópodos)
Canesba pilidio (pillidium) (Nemertinos)
Canesba plánula (Cnidarios)
Canesba plúteus (Equinoideos, Ofiuroideos)
Canesba pseudotrocófora (Poliplacóforos)
Canesba rabditoide (Nematodos)
Canesba redia o miracidio (Trematodos)
Canesba tornaria (Enteropneusta)

Canesbes de los vertebraos:

Canesba amocetes (Llamprees)
Canesba renacuayu (anfibios)

Notes

↑ Dende 2004, l'Axencia Federal de Fármacos y Alimentos d'Estaos Xuníos aprueba l'usu de canesbes como dispositivu médicu, nel contestu de la creciente resistencia humana a los antibióticos; cf.

[1] Dende 2004, l'Axencia Federal de Fármacos y Alimentos d'Estaos Xuníos aprueba l'usu de canesbes como dispositivu médicu, nel contestu de la creciente resistencia humana a los antibióticos; cf.

[1]