Carbonatu de calciu

El carbonatu de calciu ye un compuestu químicu, de fórmula CaCO3. Trátase d'un compuestu ternariu, qu'entra dientro de la categoría de les oxosales. Ye una sustancia bien abondoso na naturaleza, formando roques, como componente principal, perdayuri del mundu y ye el principal componente de conches y cadarmes de munchos organismos (p.ej. moluscos, corales) o de los pulgos de güevu. Ye la causa principal de l'agua duro. En medicina utilízase davezu como suplementu de calciu, como antiácido y axente adsorbente. Ye fundamental na producción de vidriu y cementu, ente otros productos.

Minerales y roques

Ye'l componente principal de minerales como la calcita o'l aragonito y de roques como la caliar y les sos variedaes (travertino, creta, carniola) o'l mármol, procedente del metamorfismu de caliares. Por tanto, forma parte de la composición les estructures xeolóxiques y d'orixe orgánicu de naturaleza caliar, como tobas caliares, espeleotemas, estromatolitos, oncolitos, etc.

Presencia nos organismos vivos

El carbonatu cálcicu ye componente principal de munches estructures presentes n'organismos vivos, como'l balto de delles algues, por casu Padina pavonica, les esponxes de la clase Calcarea, conches de moluscos, cadarmes de corales o los pulgos de güevu de reptiles y aves.

Enllaces esternos

• Institutu Nacional de Seguridá ya Hixene nel Trabayu d'España: Ficha internacional de seguridá química del carbonatu cálcicu.