Cartelu
Un cartelu ye un encontu de la publicidá. Consiste nuna llámina de papel, cartón o otru material que s'imprime con dalgún tipu de mensaxe visual (testu, imáxenes y too tipu de recursos gráficos) que sirve d'anunciu pa espublizar una información, un eventu, un bien económicu (yá seya productu o serviciu), una reivindicación o cualesquier otra causa. Suelen formar parte d'una campaña publicitaria más amplia. Si son de gran tamañu, denómase valla publicitaria.
.jpg)
En distribución, los cartelos asítiense tanto nel interior d'un local comercial como nel so esterior o nel escaparate, cola fin d'anunciar precios d'artículos o ufiertes en marcha. Los cartelos tamién s'utilicen p'asitiar el nome de departamentos y seiciones col fin d'empobinar a la vecería. En dambos casos, suelen incluyir el logotipu y los colores corporativos de la cadena de distribución.
Los cartelos empléguense na mercaotecnia pa sopelexar y sofitar campañes comerciales dientro del establecimientu (como les rebaxes o les promociones). Xeneralmente, asítiense pegaos nes parés, muebles o cabeceres de góndola, sobro pies metálicos o colgaos del techu.
Los cartelos tamién sirven p'anunciar espectáculos o eventos culturales (conciertos, recitales, alcuentros deportivos, películes de cine -cartelu cinematográficu-, obres de teatru, feries o esposiciones).
En dichos casos, colínguense nes parés de los edificios onde van tener llugar l'acontecimientu o otros llugares de la ciudá habilitaos al efeutu.
Amás de la cartelería publicitaria, esiste una llarga tradición de cartelería de propaganda política, que s'utiliza enforma demientres les campañes eleutorales, onde impresos de too tamañu (folletos, cartelos y valles publicitaries) sopelexen les semeyes de los candidatos, el logotipu de los partíos y los eslóganes eleutorales. El cartelismu políticu foi especialmente importante na primer metá del sieglu XX, sobremanera mientres el periodu d'enteguerres (1914-1918). El cartelismo bélicu foi bien utilizáu en dambes guerres mundiales.
Póster ye una pallabra asturiana d'orixe inglés (poster, ensin tilde) emplegada pa referise a los cartelos que perdieron la so inicial función publicitaria y sirven yá namái como mediu d'espresión artísticu. El so plural ye pósteres.[1]
Como cartelu, un póster ye una impresión que tien como encontu una llámina de papel de cualquier tamañu, diseñáu pa ser asitiáu nuna paré o nuna superficie vertical. Nél inclúyense imáxenes de cualquier tipu (grabaos, dibuxos o pintures de cualquier téunica, fotografíes, etc.), elementos gráficos y testos (que la so disposición y tipografía tienen una función particularmente importante).
Principalmente son y foron un mediu de propaganda, protesta y pa llanzar mensaxes de too tipu. Tamién son usaos para reproducir obres artístiques, resultando nuna forma económica de decoración, que convierte a les obres d'arte más famoses n'oxetos de consumu de mases. Otros sirven como recursu educativu na redolada escolar.
Los cartelos y pósteres antiguos o creaos por artistes de fama, algamen nel mercáu d'arte altes cotizaciones, al ser d'interés para'l coleicionismu.
Funciona como daqué que nos suxer mercar, faer, dir o axuntamos a una causa.
Referencies
editar- ↑ Real Academia Española y Asociación de Academias de la Lengua Española (2014), «póster», Diccionario de la lengua española (23.ª edición), Madrid: Espasa, ISBN 978-84-670-4189-7, http://dle.rae.es/p%C3%B3ster
Enllaces esternos
editar
Wikimedia Commons acueye conteníu multimedia sobre Cartelu.
