Cases del Cuitu
Les cases del Cuitu son un edificiu modernista asitiáu na cai Uría d'Uviéu, capital del Principáu d'Asturies.[1]
| Cases del Cuitu | |
|---|---|
vivienda (es)  | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Uviéu |
| Coordenaes | 43°21′55″N 5°51′12″W / 43.36528°N 5.85342°O |
  Cases del Cuitu Cases del Cuitu (Asturies) | |
| Historia y usu | |
| Apertura | 1917 |
| Arquiteutura | |
| Constructor | Ulpiano Muñoz Zapata |
| Estilu |
arquiteutura modernista neobarrocu |
| Patrimoniu | |
 | |
Descripción
editarL'edificiu, qu'en realidá mira a dos cais (cai Uría ya Independencia pero ensin facer esquina), foi llevantáu ente 1913 y 1917 pol maestru d'obres Ulpiano Muñoz Zapata. Supunxo un retu inmobiliariu pa la cai y anticipóse a los grandes edificios que se construyeron na avenida a dende los años 1930, sustituyendo a chalés y pequeñes casones. Dientro d'un estilu modernista, la so fachada tien influyencies barroques pola gran cantidá de decoraciones, destacando bien especialmente los llaterales internos de los vanos de les puertes, los miradores y los elementos voladizos, qu'asemeyen motivos mitolóxicos que paecen sostener l'edificiu.
El Banco Herrero foi propietariu del inmueble por 85 años, depués de que'l dueñu orixinal (l'indianu José Álvarez Santullano, moteyáu El Cuitu) entrara en quiebra y vendiéraselo al so íntimu amigu Policarpo Herrero. Dende 2002 pertenez al Grupu Masaveu. Tanto les viviendes como los llocales comerciales fueron desallugaos en 2012 a la espera d'acometer un remocique dafechu.[2]
Referencies
editar- ↑ «Casas del Cuitu» (castellanu). Vivir Asturias. Consultáu'l 29 de xineru de 2019.
- ↑ Pérez, Cecilia (14 de xunetu de 2014) (en castellanu). Luz verde para las Casas del Cuitu. El Comercio. https://www.elcomercio.es/oviedo/verde-casas-cuitu-20170724011958-ntvo.html. Consultáu'l 29 de xineru de 2019.
Enllaces esternos
editar
Wikimedia Commons acueye conteníu multimedia sobre Cases del Cuitu.
Datos: Q61861362- Multimedia: Casas del Cuitu
