Castiellu de Bjni
Castiellu Bjni tamién denomáu fortaleza de Bjni (n'armeniu: Բջնի Բերդ), ye una estructura medieval asitiada cercana al pueblu de Bjni na provincia de Kotayk' d'Armenia. Asítiase nes parés del escobiu del ríu Hrazdan, les muries de la fortaleza namái pueden ser vistos pel llau occidental de l'aldega. Les ruines del edificiu atópense a 1.504 metros sobre'l nivel del mar.[1]
| Castiellu de Bjni | |
|---|---|
bien cultural (es)  | |
 | |
| Llocalización | |
| País |  Armenia |
| Rexón | Kotayk' (es) |
| Pueblu | Bjni (es) |
| Coordenaes | 40°27′39″N 44°39′16″E / 40.4607°N 44.6544°E |
  Castiellu de Bjni Castiellu de Bjni (Armenia) | |
| Altitú | 1504 m |
| Patrimoniu | |
| Instalaciones | |
| Formáu por |
Q42950528 y Q42950614 |
 | |
Historia
editarLa fortaleza construyóse ente los sieglos IX y X pola familia real Pahlavuni perteneciente a la dinastía Bagratuni. El comandante de Bjni, Vasak Holum Pahlavuni reconstruyó la fortaleza en 1020.[2] Mateo d'Edesa, historiador armeniu del sieglu XII escribió na parte primera de la so "Crónica" que cubre la última parte del sieglu X y principios del sieglu XI, les invasiones de soldaos mercedarios turcos de Daylamis en Bjni l'añu 1021 cuando fueron a asaltar y saquiar pueblos y ciudaes. Nesti periodu, el gobernante de Delumk (Daylamis) axunta les tropes ya inesperadamente, algamó'l barriu armeniu de Nig, cerca de la fortaleza de Bjni. Vasak, el comandante en xefe de los armenios, col so amáu fíu Gregory y con otros nobles pernomaos, taba feliz nel so castiellu. Vasak miraba'l camín cascayosu, y vio, un home que s'averaba a toa priesa pel camín a cuerpu. Al velu, dixo Vasak: "Esti home ye portador de males noticies." L'home llegó a les puertes de la fortaleza de Bjni y dixo: "Tol distritu de Nig foi esclavizáu!".
Vasak y los sos homes noxáronse y escorrieron a les fuerces enemigues na batalla que se llibró cerca del ríu Kasagh matando a 300 d'ellos y provocando que'l restu fuxera. Dempués, derrangáu pol combate, Vasak allonxóse p'atopar un llugar pa folgar nun monte denomáu Serkevelo. Ún de los aldeanos que fuxera de la escena, vio al comandante dormíu, cutió-y fuerte y arrebexólu dende una de les altes roques matándolu.[3]
Mientres los años 1387 y 1388, el conquistador Tamerlán destruyó'l pueblu de Bjni y posiblemente tamién el castiellu. Nos manuscritos de Tomás de Metsoph de finales del sieglu XIV y principiu de silu XV, dexó un rellatu de les invasiones de Tamerlán onde s'indica que:
«Tamerlán llegó al país d'Araratean y Karbi y al país de Kotayk. Sitió la fortaleza de Bjni, tomóla y mató al obispu de la tierra, señor Vanakan, que yera un home sabiu, misericordiosu y bondosu con tolos probes, Amás, arredó y apavorió a tol ensame creyentes cola fame, la espada, la esclavización y con tortures insoportables, foi'l comportamientu más bestial que se fizo nel distritu más pobláu d'Armenia, quedando despobláu. Martirizóse a munches persones, y yeren dignes de la corona; [Que] namái conozse a Aquel que los recibe, Cristu'l nuesu Dios. Pue coronase a ellos, nel día que'l rebañu de los xustos seyan compensaos. Amén.»[4]
Descripción
editarDelles partes de les muries de la fortificación esterior en Bjni sobrevivieron y siguen los llaos del cantil. Nel pandu, hai seiciones d'almenes que permanecen en condición relativamente probe. Puen reparase rastros de los cimientos d'estructures, que s'indiquen per aciu depresiones nel suelu en delles árees. Tamién esiste la base de piedra d'una ilesia del sieglu V, una estructura medieval que se caltién parcialmente de pies -anguaño reconstruyida a partir de 2009-, dos cisternes: una colos restos de la bóveda intauta, y un pasaxe cubiertu que conducía al ríu nel casu d'asediu.[5]
Galería
editar
Ver tamién
editarReferencies
editar- ↑ elevationmap.net (ed.): «Bjni Altitude and Location». Consultáu'l 3 de setiembre de 2016.
- ↑ findarmenia.com (ed.): «Places of interest of the village Bjni» (inglés). Consultáu'l 3 de setiembre de 2016.
- ↑ byzantini.st (ed.): «Excerpts from the Chronicle of Matthew of Edessa» (inglés-armeniu). Consultáu'l 3 de setiembre de 2016.
- ↑ findarmenia.com (ed.): «T'ovma Metsobets'i's. History of Tamerlane and His Successors» (inglés). Consultáu'l 3 de setiembre de 2016.
- ↑ Kiesling, Brady (xunu 2000). «An Archaeological/Touristic Gazatteer and Map Set for the Historical Monuments of Armenia» (n'inglés). Rediscovering Armenia (Ereván/Washington DC): p. 56. Archivado del original el 2006-05-03. https://web.archive.org/web/20060503171634/http://www.usa.am/armenia.pdf. Consultáu'l 3 de setiembre de 2016.
Enllaces esternos
editar
Wikimedia Commons acueye conteníu multimedia sobre Castiellu de Bjni.
Datos: Q4919619- Multimedia: Bjni Fortress
