Cayés

Cayés ye una parroquia del conceyu asturianu de Llanera. Estiéndese per 6,01 km² de la so fastera meridional y llenda: al norte y l'este cola parroquia de Llugo, al oeste cola d'Ables y al sur colos conceyos d'Uviéu y Siero. La so población, de 507 habitantes (INE, 2009), ta repartida ente los llugares de L'Arroyu, Cadaxe, Campiello, Coruño, La Ponte, La Vega y La Venta'l Gallo.

Cayés
Alministración
País	España
Autonomía	Principáu d'Asturies
Provincia	provincia d'Asturies
Conceyu	Llanera
Tipu d'entidá	parroquia d'Asturies
Xeografía
Coordenaes	43°24′59″N 5°50′13″O
Cayés Cayés (Asturies)
Altitú	205 m
Demografía
Población	397 hab. (2020)
Porcentaxe	0% 0.04% 100% 2.88% d'España Principáu d'Asturies provincia d'Asturies Llanera
Más información
Estaya horaria	UTC+01:00

La so ilesia, consagrada a San Martín, ta allugada cerca Campiello. De traza asemeyada a les de les ilesies rurales asturianes de los sieglos XVII y XVIII ta enforma remocicada: el cabildru foi peslláu dafechu, y añedióse-y una torre-campanariu d'estilu neohistoricista a los pies de la nave.

Hebo en dellos llugares de la parroquia delles industries yá trancaes, como la fábrica de pólvora de Coruño o Cerámica Guisasola.

Personaxes céllebres

• Alberto Marcos Vallaure, xeólogu y rector de la Universidá d'Uviéu.
• Emilio Marcos Vallaure, direutor del Muséu de Belles Artes d'Asturies y Conseyeru de Cultura y Deporte del Principáu d'Asturies.

Bibliografía

• Diccionario Enciclopédico del Principado de Asturias (2004) Ed. Nobel, Uviéu.- ISBN 84-8459-266-1

Enllaces esternos

• Datos: Q8343049