Claudia Campero
Claudia Campero Arena (1979) ye una defensora ecolóxica mexicana, sobremanera en temes rellacionaes cola agua. Collabora con organizaciones dedicaes a la tema de l'agua: en Méxicu cola Coalición d'Organizaciones Mexicanes pol Derechu a l'Agua - COMDA; en Llatinoamérica cola Rede de Vixilancia Interamericana pa la Defensa y el Derechu a l'Agua - RedVIDA, según n'otres rexones.[1][2]
Claudia Campero | |
|---|---|
| Vida | |
| Nacimientu | 1979 (44/45 años) |
| Nacionalidá |
 Méxicu |
| Oficiu | xeógrafa |
 | |
Biografía
editarEstudio
editarClaudia Campero estudió la carrera de Xeografía na Universidá Nacional Autónoma de Méxicu y darréu una maestría en Ciencies en Desarrollu y Planeación Urbana en University College London.[2]
Activismu
editarEn 2005, empezó a collaborar con diverses organizaciones civiles y sociales na tema de l'agua. Collaboró cola Fundación Heinrich Böll na organización de la Conferencia "Cambeos políticos en Llatinoamérica, ¿Nueves polítiques de l'agua?" que se celebró en Méxicu nel 2008. Tamién participó en Proyeutu del Planeta Azul del Conseyu de Canadiense y nel Food and Water Watch faciendo campañes, investigación y coordinación en defensa de l'agua.
Ye miembru fundador de l'Alianza Mexicana contra'l Fracking que dende 2013 asitió la tema de la estracción d'hidrocarburos non convencionales na axenda pública.[3]
En setiembre de 2017 xunto con otros activistes empecipió Verificáu19s participando principalmente como puntu de contautu y sofitu pa monitor/as en derrumbes en CDMX.[4]
Referencies
editar- ↑ 5 muyeres mexicanes esitoses que tán camudando'l mundu. (n.d.). Visitáu'l 2 de marzu del 2018. [1]
- ↑ 2,0 2,1 Claudia Campero. Food & Water Watch. 19 d'agostu de 2015. https://www.foodandwaterwatch.org/bio/claudia-campero. Consultáu'l 8 de marzu de 2018.
- ↑ ¿Quién somos? Non Fracking Méxicu. Consultáu'l 8 de marzu de 2018.
- ↑ TEDxMexicoCityWomen | TED. (n.d.). Consultáu'l 8 de marzu de 2018 en https://www.ted.com/tedx/events/24346
Datos: Q50379644
