Columba Calvo
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Columba Marisela Calvo Vargas (31 d'avientu de 1953) ye una Embaxadora de Méxicu, anguaño[¿cuándo?] nel cargu d'asesora del Canciller José Antonio Meade Kuribreña na Secretaría de Rellaciones Esteriores de Méxicu, nel Gobiernu del presidente Enrique Peña Nieto.
Columba Calvo | |
|---|---|
| Vida | |
| Nacimientu | 31 d'avientu de 1953 (70 años) |
| Nacionalidá |
 Méxicu |
| Estudios | |
| Estudios | Universidá Nacional Autónoma de Méxicu |
| Oficiu | diplomática |
 | |
Biografía
editarYe llicenciada en Rellaciones Internacionales pola Universidá Nacional Autónoma de Méxicu. Ingresó al Serviciu Esterior Mexicanu en 1980, en 2002 xubió al rangu de Ministra y en 2006 foi alzada al rangu d'Embaxadora.
La Embaxadora Calvo ocupó diversos cargos en distintes adscripciones de la Cancillería, siendo la so última titularidá la Representación de Méxicu ante Nicaragua, de febreru de 2005 hasta xineru de 2007. Foi Direutora Xeneral Adxunta de la Direición Xeneral d'Organismos Económicos Rexonales y Multillaterales. Nel esterior, tuvo adscrita como Encargada d'Asuntos Políticos a la Embaxada de Méxicu n'Arxentina; Encargada de Negocios na Embaxada de Méxicu en Panamá; y Cónsul Titular nel Consuláu de Méxicu en San Bernardino, California.
En Panamá foi Encargada de Negocios, a.i. de Méxicu mientres la llamada operación “Causa Xusta” del gobiernu de los Estaos Xuníos, en 1989, onde la Embaxada al so cargu coordinó la evacuación de más de trescientos mexicanos y dio asilu políticu a una docena de ciudadanos panameños.
Recibió más de trenta reconocencies per parte d'autoridaes civiles, académiques, policiales y cámares de comerciu de los Estaos de California y Nevada. Destaquen les reconocencies del senador Harry Reid, actual líder del Senáu de los Estaos Xuníos d'América; del ex gobernador de Nevada Bob Miller; de Joe Baca, miembru de la Cámara de Representantes d'Estaos Xuníos y de la Latin Chamber of Commerce de Las Vegas (Nevada).
En 2005, foi calificada pola prensa nicaragüense como una de los diez diplomáticos estranxeros más influyentes nel país.[1]
Creó la Fundación Cultural Méxicu-Nicaragua, integrada por empresarios mexicanos ya importantes intelectuales nicaragüenses como Sergio Ramírez.
Referencies
editarEnllaces esternos
editar- Columba Calvo, una muyer de talante imperturbable
- Embaxadores de Méxicu en Nicaragua (enllaz rotu disponible n'Internet Archive; ver l'historial y la última versión).
Datos: Q5778044
