Comadres

Les Comadres ye una fiesta típicamente polesa que se celebra n'Asturies el xueves anterior al martes d'antroxu y que consiste nel axuntamientu de grupos de muyeres para merendar, baillar, falar y pasalo bien. Anguaño tamién aportó al ámbitu masculinu, más en Siero que n'otres zones d'Asturies. El vienres, sábadu y domingu posterior a comadres son los díes de Comadrines, Migayes y migayines respeutivamente.

Orixe

Nel so orixe remotu los historiadores emparenten estes celebraciones coles Matronalia romanes, que se cristianizaron na Edá Media fiestes romanes dedicaes a les muyeres casaes, y que se celebraben n'honor de la diosa Juno, tamién conocia col sobrenome de Matrona.

Estes fiestes celebrabense nes calendes del mes de marzu y era la única vez al añu que les muyeres tenín los mesmos privilexos que los homes na patriarcal sociedá romana. Col pasu del tiempu convirtióse nuna fiesta eminentemente profana, perdiendo tol so carácter sacru, conservándolu únicamente nel sentíu d'adecuar la so celebración al calendariu cristianu y que sigue coincidiendo con unes feches non mui alloñaes a les calendes de marzu.

Tradición

Ye tradición celebrar la fiesta de comadres tamién n'otros llugares del territoriu español, como por exemplu nel País Vascu, y más concretamente en algunes zones de la provincia de Guipúzcoa, onde son conocíes col nome de emakunde. Tamién se celebren na provincia de Segovia, por Santa Águeda, o na de Zamora, tamién pola mesma festividá, el 5 de febreru.

N'Asturies celebrase exclusivamente na Pola, dende tiempo inmemorial y de forma multitudinaria, non pudiendo faltar el bollu preñáu, acompañau de sidra y d'una naranxa de postre, como marcaba la tradición, y en Xixón, onde tamién se solín reunir grupos de muyeres pa merendar, pero más bien nes sos propies cases, hasta que nos años 1980, gracies a la Tertulia Feminista Les Comadres, volviose a restaurar la tradición.

Celebración

Nun principiu les meriendes facínse nel campu o nes propies cases, pero na actualidá suelen llevase a cabu en bares y restaurantes, a base de carne empanada, embutios, tortielles, llacón rellenu y fayuelos, aunque na Pola Siero sigue siendo habitual llevar el bollu de casa.

Enllaces esternos

• Wikimedia Commons tien conteníu multimedia tocante a Comadres.

• Datos: Q8348151