Comisariu de Derechos Humanos del Conseyu d'Europa
El Comisariu de Derechos Humanos ye una institución independiente dientro del Conseyu d'Europa, asitiáu n'Estrasburgu, que'l so mandatu ye promover el respetu de los derechos humanos y aumentar la sensibilización nos estaos miembros. El comisario actual ye Nils Muižnieks, d'orixe letón, qu'empezó'l so mandatu'l 1 d'abril de 2012, asocediendo a Thomas Hammarberg y a Álvaro Gil-Robles.
| Comisariu de Derechos Humanos del Conseyu d'Europa | |
|---|---|
| organización | |
| Llocalización | |
| Sede | Estrasburgu |
| Historia | |
| Fundación | 7 mayu 1999 |
| Participación empresarial | |
| Organización matriz | Conseyu d'Europa |
| Web oficial | |
 | |
Escoyíu pola Asamblea Parllamentaria del Conseyu d'Europa, el Comisariu caltién un diálogu permanente colos estaos miembros sobro cuestiones de derechos humanos. El comisario fai visites a tolos estaos miembros pa evaluar la situación de los derechos humanos y publica informes, opiniones y encamientos.
El comisario tamién coopera con delles organizaciones, incluyida la Xunión Europea y la Organización de les Naciones Xuníes y les sos axencies especializaes, según les principales ONG de derechos humanos, universidaes y think-tanks.
Mandatu del Comisariu
editarEl mandatu del Comisariu básase na Resolución (99) 50 del Conseyu d'Europa, adoptada'l 7 de mayu de 1999.[1] Inclúi los puntos siguientes:
- fomentar el cumplimientu efectivu de los derechos humanos y ayudar a los estaos miembros na implementación de los estándares de derechos humanos del Conseyu d'Europa;
- promover la educación y la conciencia sobro los derechos humanos nos estaos miembros del Conseyu d'Europa;
- identificar posibles defeutos nes lleis y práutiques rellacionaes colos derechos humanos;
- facilitar les actividaes de les estructures nacionales de derechos humanos y otres estructures de derechos humanos, incluyíos ombudsman ya instituciones nacionales; y
apurrir conseyu ya información rellacionada cola proteición de los derechos humanos n'Europa.[2]
Los estaos miembros tienen la obligación de “facilitar al Comisariu los contactos, incluyendo'l viaxe, nel contestu de la so misión y apurrir a tiempu la información que solicite'l Comisariu”. El comisario tien d'actuar de manera independiente ya imparcial” y puede actuar “sobre cualquier información que seya relevante pa les sos funciones”.[1]
Eleición del Comisariu
editarEl comisario ye escoyíu pola Asamblea Parllamentaria del Conseyu d'Europa d'una llista de trés candidatos. Los candidatos son propuestos polos estaos miembros y tienen de ser nacionales de los mesmos. El comisario ye escoyíu “por un periodu non anovable de seis años”.[1]
Conforme al Resolución (99) 50: “Los candidatos tienen de ser persones de reconocíu prestíu con eleváu valor moral y amplia esperiencia nel ámbitu de los derechos humanos, con manifiesta adhesión a los valores del Conseyu d'Europa y l'autoridá personal necesaria pa desempeñar de manera eficaz la misión del Comisariu.”
Referencies
editarEnllaces esternos
editar- DHpedia: Comisariu de Derechos Humanos
- Commissioner for Human Rights, Council of Europe
- The Commissioner´s Human Rights Comment
Datos: Q968482
