Concepción Llaguno Marchena

Concepción Llaguno Marchena (21 d'ochobre de 1925, Madrid – 4 d'ochobre de 2010, Madrid) foi una investigadora española, pionera ente los profesores d'investigación del área de ciencia y teunoloxía de los Alimentos del Conseyu Cimeru d'Investigaciones Científiques (CSIC).

Concepción Llaguno Marchena
Vida
Nacimientu	Madrid, 21 d'ochobre de 1925
Nacionalidá	España
Muerte	Madrid, 4 d'ochobre de 2010 (84 años)
Estudios
Llingües falaes	castellanu
Oficiu	química

Biografía

Estudió Ciencies Químiques na Universidá Central de Madrid (actual Universidá Complutense), al empar que trabayaba en Correos, onde empezó a los 15 años. Yera güérfana dende los 11 años d'un funcionariu de correos y la so madre, maestra, fuera represaliada por Consejo de Guerra sumarísimu, con suspensión d'empléu y sueldu. Doctora en Ciencies Químiques, empezó'l so llabor investigador en 1953 como becaria no que depués sería l'Institutu de Fermentadures Industriales del Conseyu Cimeru d'Investigaciones Científiques (CSIC). Nos entamos de l'actual bioteunoloxía, destacaron les sos investigaciones sobre la fermentadura alcohólica, especialmente del metabolismu de los llamaos “lleldos de flor”, orixe de los vinos de Xerez. Afondó na aplicación de la teunoloxía de les fermentadures al vinu, a les bébores alcohóliques y a los vinagre vínico, estableciendo pautes qu'influyeron notablemente na calidá de los productos llograos y na garantía de la so genuinidad (contribuyendo a la erradicación del fraude). Apurrió nuevos sistemes d'aireación p'acelerar la crianza de los vinos finos y la acetificación del vinu. Foi profesora d'investigación del CSIC dende 1971, siempres foi una defensora de la carrera científica de les muyeres. Pola so iniciativa, siendo Vicesecretaria Xeneral, publicóse la primer estadística desagregada por sexos del personal científico del CSIC, en 1982. Foi Acomuñada Ad Honorem de l'Asociación de Muyeres Investigadores y Tecnólogues (AMIT) dende 2002.

Ocupó diversos cargos rellacionaos cola xestión de la ciencia. Nel CSIC, foi Vicesecretaria Xeneral p'Asuntos Científicos. Siempres la va recordar como xestora de l'automatización de les biblioteques del CSIC y impulsora de la primer guardería del Organismu. Coordinadora del área de teunoloxía de la Comisión Asesora d'Investigación Científica y Téunica (CICYT), collaboró na redaición del primer Plan Nacional d'I+D, nel que foi xestora del Programa Nacional de Teunoloxía d'Alimentos. Primer muyer Direutora del Institutu del Fríu, ónde se xubiló dexando tres de sigo una puxante escuela, con munches notables investigadores na actualidá.

Premios

Perteneció al grupu gallardoniáu en 1961 col Premiu “Juan de la Cierva”. Llogró'l Premiu d'Investigación en Ciencies de l'Alimentación (CEOE, 1991) y el Premiu Muyer Progresista en 1994. Medaya d'Oru y Brillantes de l'Asociación Nacional de Químicos d'España.

Obres

Foi autora de numberosos trabayos d'investigación y una gran divulgadora. El so llibru El vinagre de vinu (CSIC, 1991) que foi Premiu de la Oficina Internacional de la Vide y del Vinu (OIV), en 1993. Coles mesmes, tradució al castellán delles obres científiques.

• Enoloxía: Temes actuales. Asociación Nacional de Químicos, 1982
• Guida di Vini d'Espagna. Mondadori, 1982
• El vinagre de vinu. Concepción Llaguno Marchena, María Carmen Polo – 1991
• El vinu nel orixe de la Bioteunoloxía. La Selmana vitivinícola, ISSN 0037-184X, Nº 2357-2358, 1991, páxs. 4641-4645
• Investigaciones n'enoloxía. La Selmana vitivinícola, ISSN 0037-184X, Nº 2784, 1999, páxs. 4391-4393
• L'accesu de la muyer a la investigación científica n'España: el CSIC. En: Apuntes pa una Política Científica. Dos años d'Investigación nel CSIC (1980-1982). A. Nieto, J. M. Gómez Fatou, Y. Muñoz, J.A. Muñoz-Delgado, T. Mendizábal, C. Llaguno, F. Catalina. Ed. CSIC, 1982. pp.139-199

Referencies

• Datos: Q19766158