Conchi Sánchez
Concepción "Conchi" Sánchez Freire conocida como "Conchi Amancio", (28 de setiembre de 1957, Madrid) ye una futbolista pionera nel fútbol femenín español qu'abrió les puertes al deporte profesional. Foi la primer capitana de la selección española de fútbol femenín en 1971. Cuando tenía 15 años, en 1973, fichó pol Gamma 3 de Padua (Italia). Na lliga italiana ganó delles lligues y copes xugando en distintos clubes. En 1997, el so últimu añu como profesional, foi xugadora del Ársenal onde acabó la so carrera deportiva. Llegó a marcar cuasi 600 goles.[1] A los 40 años colgó les botes nel fútbol profesional. En 2010 creó una escuela de fútbol femenín, el 'Filton College' de Bristol (Inglaterra).[2]
Conchi Sánchez | |||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Vida | |||||||||||||||||||||||||||||||||||||||||||||||||
| Nacimientu | Madrid, 28 de setiembre de 1957 (67 años) | ||||||||||||||||||||||||||||||||||||||||||||||||
| Nacionalidá |
 España | ||||||||||||||||||||||||||||||||||||||||||||||||
| Estudios | |||||||||||||||||||||||||||||||||||||||||||||||||
| Llingües falaes | castellanu | ||||||||||||||||||||||||||||||||||||||||||||||||
| Oficiu | |||||||||||||||||||||||||||||||||||||||||||||||||
| Oficiu | futbolista | ||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||
| Posición o especialidá | delanteru | ||||||||||||||||||||||||||||||||||||||||||||||||
 | |||||||||||||||||||||||||||||||||||||||||||||||||
Biografía
editarNació nuna familia de clase trabayadora de Madrid y con cinco años yá xugaba al fútbol, con mozos, porque nun había neñes que practicaren esti deporte.[3] El so padre, siguidor del Real Madrid, mercó-y el so primeres botes de fútbol. Tenía 13 años y taba a puntu de xugar el primer partíu de fútbol femenín con públicu que s'apostó n'España, tamién el so primer partíu oficial, celebráu'l 8 d'avientu de 1970 ente'l Mercacredit y el Sizam. Foi en Villaverde y a él asistieron más de 8000 persones. El Sizam ganó'l partíu por 5 a 1, goles de Conchi. Foi entós cuando'l diariu Marca bautizar como Conchi Amancio.[4] En 1971 la selección española apostó'l so primer partíu pero naquel momentu nun taba reconocida nin pola Federación Española de Fútbol, nin pola UEFA, nin pola FIFA.[2] Col 9 al llombu, Cochi lideró l'equipu.[4] N'España xugó menos de trés años y marcó más de 300 goles. La fama de goliadora de Conchi trespasó fronteres y recibió la propuesta de fichar pola lliga italiana a los 15 años. Foi la primer muyer en xugar fora d'España de manera profesional y la cuarta futbolista en faelo tres Luis Suárez, Luis del Sol y Joaquín Peiró.
Pasó de cobrar 400 pesetes al mes n'España a cobrar 75.000 pola ficha de tol añu. N'España trabayaba como aprendiz de peluquera cuando recibió la ufierta italiana. El so primer equipu italianu foi la Gamma 3 de Padua.
Nunca llegó a xugar oficialmente cola selección española femenina de fútbol. Namái una vegada tres un reportaxe sobre ella en TVE y llamar pa participar nun partíu contra Italia que finalmente nun pudo celebrar por una mancadura de frayatu de lligamentos cruciaos na rodía.
Cuando se recuperó xugó col Arsenal un añu, ganó un campeonatu y acabó la so carrera de futbolista. El so postreru partíu como profesional foi un Liverpool-Arsenal en Anfield, onde marcó'l gol del trunfu. Colgó les botes a los 40 años.[4] Conchi na so carrera ganó 8 Scudettos 7 Copes Italianes 1 Campeonatu de primer división de Fútbol Sala n'Italia cola Roma 3 z y foi la Máxima goliadora con 50 retes.
N'Inglaterra acabó los estudios de Terapies Holísticas y Nutrición y nel 2010 abrió una escuela de fútbol femenín, el Filton College de Bristol.[5]
Ver tamién
editarReferencies
editar- ↑ «Conchi Amancio: “Mientres 25 años viví n'esclusiva del fútbol”». As (25 de mayu de 2011). Consultáu'l 15 de xunu de 2015.
- ↑ 2,0 2,1 «"Fui a Italia con una ficha de 75.000 pesetes"». As (10 de febreru de 2010). Consultáu'l 16 de xunu de 2015.
- ↑ «Profi-Fußballerin Conchi ´Amancio´: Pionierin im Abseits» (alemán). Mallorca Zeitung (16 de xunu de 2011). Consultáu'l 16 de xunu de 2015.
- ↑ 4,0 4,1 4,2 «Conchi Amancio, la muyer qu'abrió les puertes al profesionalismo». Marca (29 d'abril de 2013). Consultáu'l 16 de xunu de 2015.
- ↑ «"Fui a Italia con una ficha de 75.000 pesetes"». Diariu As (10 de febreru de 2010). Consultáu'l 15 de xunu de 2015.
Enllaces esternos
editar- Una muyer llamada Amancio punxo en xaque a la federación al liderar una selección femenina "clandestina" (enllaz rotu disponible n'Internet Archive; ver l'historial y la última versión).
Datos: Q4018160
Multimedia: Conchi Sánchez
