Constance Nantier-Didiée

Constance Betzy Rosabella Nantier-Didiée (16 de payares de 1831, San Denís – 4 d'avientu de 1867, Madrid) foi una mezzosopranu francesa.

Estudió con Gilbert Duprez en París, y en 1849 ganó'l primer premiu d'ópera nel Conservatoriu. Debutó en 1850, en Turín, como Emilia en La vestale, de Mercadante. En 1852 apaeció en Luisa Miller en París, y al añu siguiente foi contratada pa tres temporaes nel Covent Garden de Londres, onde cantó nos estrenos londinenses de Rigoletto y Benvenuto Cellini. En 1854 debutó nel Teatru Real de Madrid y viaxó a Norteamérica. Tornó a Londres en 1858 pa cantar Urbain en Les Huguenots, na apertura de la temporada, y cantó ellí tolos años hasta 1864. Meyerbeer y Gounod escribieron páxines especialmente pa ser cantaes por ella en Dinorah y Faust ("Si le bonheur à sourire t'convide"^[3]). Foi la primera Preziosilla nel estrenu en San Petersburgu de La forza del destín.^[4]

Finó en Madrid, por causa d'una pulmonía que contraxera mientres les representaciones de La favorita nel Teatru Real.^[5]

Tuvo un ampliu repertoriu de papeles risibles, dramáticos y travestidos.^[4]

Referencies

↑ ^1,0 ^1,1 Identificador BnF: 170419220.
↑ Afirmao en: autoridaes BNF. Identificador BnF: 170419220. Data de consulta: 30 abril 2023. Autor: Biblioteca Nacional de Francia. Llingua de la obra o nome: francés.
↑ «Nantier-Didiée Constance» (alemán). Operissimo.com. Consultáu'l 14 de xineru de 2013.
↑ ^4,0 ^4,1 Robinson, Philip, «Nantier-Didiée, Constance» (n'inglés), Nantier-Didiée, Constance, vol. 3 (Sadie, Stanley edición), ISBN 0-333-73432-7
↑ Turina Gómez, Joaquín (1997). Historia del Teatru Real. Alianza Editorial, páx. 540. ISBN 84-206-4253-3.