Consuelo Rumí
María del Consuelo Rumí Ibáñez (31 d'ochobre de 1957, Almería) ye una política española. Dende'l 19 de xunu de 2018 ye Secretaría d'Estáu de Migraciones Secretaria d'Estáu de Migraciones nel Ministeriu de Trabayu, Migraciones y Seguridá Social nel gobiernu de Pedro Sánchez.[1] N'anteriores gobiernos foi Secretaria d'Estáu de Función Pública (2010-2011) y Secretaria d'Estáu d'Inmigración y Emigración mientres el gobiernu de José Luis Rodríguez Zapatero. De 2015 a xunu de 2018 foi conceyal del Conceyu d'Almería pol PSOE.
Consuelo Rumí | |||||||||
|---|---|---|---|---|---|---|---|---|---|
 | |||||||||
1r avientu 2011 - 13 xineru 2016 Distritu: Almería Eleiciones: eleiciones xenerales d'España de 2011
25 marzu 2008 - 22 abril 2008 - Ana Cano Díaz → Distritu: Almería Eleiciones: eleiciones xenerales d'España de 2008
24 marzu 2004 - 30 abril 2004 - César Antonio Rico Ruiz → Distritu: Almería Eleiciones: eleiciones xenerales d'España de 2004
23 marzu 2000 - 2 abril 2004 Distritu: Almería Eleiciones: eleiciones xenerales d'España de 2000 | |||||||||
| Vida | |||||||||
| Nacimientu | Almería, 31 d'ochobre de 1957 (66 años) | ||||||||
| Nacionalidá |
 España | ||||||||
| Estudios | |||||||||
| Estudios | Universidá d'Almería | ||||||||
| Llingües falaes | castellanu | ||||||||
| Oficiu | política | ||||||||
| Llugares de trabayu | Madrid | ||||||||
| Creencies | |||||||||
| Partíu políticu | Partíu Socialista Obreru Español | ||||||||
 | |||||||||
Biografía editar
Nacida n'Almería, ye llicenciada en Psicoloxía pola Universidá d'Almería y funcionaria nel sector de la enseñanza dende 1978. Foi direutora de dellos centros escolares y coordinadora de cursos de formación del profesoráu. Activista sindical na Unión Xeneral de Trabayadores (UXT), onde ingresó en 1982, asumió ente otres responsabilidaes la secretaría xeneral de Federación de Trabayadores de la Enseñanza FETE-UXT d'Almería (1990-1995) o la secretaría d'aición institucional federal de FETE-UXT (1995-1997).
En 1990 ingresó nel Partíu Socialista Obreru Español (PSOE).
Ente 1995 y 1997 foi miembru del Conseyu Escolar del Estáu (1995-1997), y ente 1994-1997 del Conseyu Social de la Universidá d'Almería.
Trayeutoria institucional editar
Ente 2000 y 2004 foi diputada al Congresu por Almería y Secretaria de Polítiques Sociales y Migratories del PSOE. Darréu cola llegada a la presidencia del gobiernu de José Luis Rodríguez Zapatero asumió la secretaria d'Estáu d'Inmigración y Emigración nel Gobiernu del PSOE, na llexislatura 2004-2008 con Jesús Caldera al frente del Ministeriu de Trabayu y Asuntos Sociales siguiendo nel cargu nel mandatu empecipiáu en 2008 con Celestino Corbacho como ministru.[2] So'l so direición realizó una regularización de 500.000 inmigrantes que s'atopaben en situación irregular, a principios de la VIII llexislatura. Tamién desenvolvió'l plan estratéxicu de ciudadanía ya integración y un fondu pa la integración y refuerzu educativu d'esti coleutivu pa comunidaes autónomes y conceyos. Per otru llau alcordó un pactu en materia d'inmigración con sindicatos y patronal, del que se derivó'l reglamentu que desenvuelve la Llei d'Extranxería y participó na nueva política de rellaciones colos países del África subsaḥariana. Per otru llau punxo en marcha un plan de modernización de les oficines d'Extranxería y llevó al Parllamentu un Estatutu del Emigrante.[3]
En marzu de 2010 asumió Secretaria d'Estáu pa la Función Pública hasta avientu de 2011.
Nes eleiciones municipales de 2015 intégrase como númberu 4 na candidatura socialista a l'alcaldía d'Almería, siendo escoyida conceyal de la corporación almeriense pa la llexislatura 2015-2019. Dimitió'l 15 de xunu de 2018[4] al ser nomada
Secretaría d'Estáu de Migraciones Secretaria d'Estáu de Migraciones nel Ministeriu de Trabayu, Migraciones y Seguridá Social que lidera Madalena Valerio nel gobiernu socialista de Pedro Sánchez.[1] Ente les sos primeres actuaciones col nuevu cargu tuvo la xestión de la llegada del barcu Aquarius y dos buques italianos al puertu de Valencia cola llegada de 629 migrantes que fueron acoyíos por razones humanitaries.[3]
Referencies editar
- ↑ 1,0 1,1 «BOE.es - Documentu BOE-A-2018-8274» (castellanu). Consultáu'l 19 de xunu de 2018.
- ↑ Vilaseró, Manel (15 de xunu de 2018) (en castellanu). Vuelve Consuelo Rumí, la política regularizó a 500.000 inmigrantes. elperiodico. https://www.elperiodico.com/es/politica/20180615/vuelve-consuelu-rumi-la-politica-que-piloto-la-regularizacion-de-500000-inmigrantes-6878883. Consultáu'l 19 de xunu de 2018.
- ↑ 3,0 3,1 (en castellanu) Consuelo Rumí, nueva secretaria d'Estáu de Migraciones. EL PAÍS. 15 de xunu de 2018. https://politica.elpais.com/politica/2018/06/15/actualidad/1529057379_565474.html. Consultáu'l 19 de xunu de 2018.
- ↑ (en castellanu) La almeriense Consuelo Rumí, secretaria d'Estáu de Migraciones. Diariu d'Almería. https://www.diariodealmeria.es/almeria/almeriense-Consuelo-Rumi-secretaria-Migraciones_0_1254775141.html. Consultáu'l 19 de xunu de 2018.
Enllaces esternos editar
- Noticies de Consuelo Rumí en ELPAIS.com
- Declaración de Bienes de Consuelo Rumí nel Congresu de los Diputaos
- Presentación de Consuelo Rumí na páxina del PSOE d'Almería
| Predecesor: Clementina Díez de Baldeón (Bienestar Social) Carmen Cerdeira (Movimientos Sociales) |
 Secretaria de Polítiques Sociales y Migratories del PSOE 2000-2004 |
Socesor: Matilde Valentín (Polítiques Sociales) Pedro Zerolo (Polítiques Migratories) |
| Predecesor: Nengún |
.svg){kind=small} Secretaria d'Estáu d'Inmigración y Emigración d'España 2004-2010 |
Socesor: Anna Tarrón |
| Predecesor: Carmen Gomis |
Secretaria d'Estáu de Función Pública d'España 2010-2011 |
Socesor: Antonio Beteta |
| Predecesor: ' |
Secretaria d'Estáu de Migraciones 2018- |
Socesor: ' |
Datos: Q3296429
Multimedia: Consuelo Rumí
