Correximientu de Chirripó
El Correximientu de Chirripó foi una unidá alministrativa histórica del reinu de Guatemala, establecida a principios del sieglu XVII na rexón denomada Tierra Adientro, al sureste de la provincia de Costa Rica. La so cabecera foi'l pueblu de San Mateo de Chirripó. Nun se conoz la nómina de los correxidores de Chirripó. En 1632 yera correxidor Bartolomé de Enciso Hita, en 1634 l'alférez Antonio de Amabíscar, en 1642 foi nomáu pal cargu don Félix de Trujillo y Mendoza, vecín de la ciudá de Santiago de Guatemala, en 1649 yera correxidor don Fernando de Salazar y Peralta y en 1650 Baltasar de Rosales. El postreru titular foi posiblemente l'Ayudante Juan de Morales Miranda, a quien se menta como "nomáu Correxidor del partíu de San Mateo de Chirripó" nuna escritura dada en Cartago, Costa Rica, el 17 de setiembre de 1659. El Correximientu de Chirripó foi suprimíu en 1660 y el so territoriu quedó amestáu a la provincia de Costa Rica.