Costa Azul

La Costa Azul (en francés Côte d'Azur, n'occitanu Còsta d'Azur), nel sureste francés tamién conocida como Riviera francesa, ye la denominación que recibe una parte privilexada del llitoral mediterraneu, unu de los centros mundiales del turismu y residencia de numberosos personaxes célebres, qu'alberga llocalidaes de referencia como Montecarlu, nel Principáu de Mónacu, y Cannes conocida pol so festival de cine.

Costa Azul
Còsta d'Azur (oc) Côte d'Azur (fr)
Situación
País	Francia
Organización territorial	Francia metropolitana
Rexón	Provenza-Alpes-Costa Azul
Tipu	Costa
Coordenaes	43°19′12″N 6°39′54″E
Costa Azul Costa Azul (Francia)
Datos
Web oficial, Web oficial y Web oficial

Sablera de la Costa Azul

Orixe del términu y historia contemporánea

L'orixe del términu débese al escritor Stéphen Liégeard, que fizo usu d'esti términu nel 1887 pal títulu de la so obra Côte d'Azur, inspirándose nel términu Azur, qu'en heráldica significa 'azul'. Pa Liegeard, la Costa Azul foi un nome poéticu pa llamar a la costa que s'estendía dende Marsella hasta Xénova, n'Italia, y que se conocía como Riviera de Niza o Riviera de Xénova.

Nel sieglu XX la Costa Azul habíase convertío nun destín preferíu pa l'aristocracia y burguesía del norte d'Europa pola suavidá del so clima, especialmente n'iviernu. Persones importantes la visitaron a menudu, como Winston Churchill, ayudando a la so popularización ente la clase alta británica, que la conocía como French Riviera. Na Segunda Guerra Mundial, la rexón foi escenariu del desembarcu aliáu na Operación Anvil Dragoon.

Al ser una zona importante, el gobiernu galu fizo la rexón alministrativa de Provence-Alpes-Côte d'Azur p'alministrar el llitoral comprendíu pola Costa Azul y los departamentos del territoriu de munchos montes interiores de los Alpes marítimos.

Enllaces esternos

• Wikimedia Commons acueye conteníu multimedia sobre Costa Azul.

• Datos: Q182822
• Multimedia: Côte d'Azur