Crisis de l'agua en Ciudá del Cabu

En 2015 entamó una seca na provincia de Cabu Occidental, en Sudáfrica, lo que provocó una grave escasez d'agua na rexón, qu'afeuta especialmente a la población de Ciudá del Cabu.

Gráficu del total d'agua almacenao nes seis mayores preses de la provincia de Cabu Occidental dende'l 30 de xunu de 2013 hasta'l 31 de marzu de 2018. El gráficu ilustra l'amenorgamientu de los niveles d'almacenamientu d'agua mientres la crisis de Ciudá del Cabu l'impautu del consumu dende l'empiezu de 2018. La previsión amuesa los niveles d'almacenamientu, qu'algamen un 12 % hasta finales de mayu de 2018 en función del consumu normal (primero de la crisis). Datos de Climate Systems Analysis Group (CSAG).

A entamos de 2018, cuando se previo que los niveles d'agua de les preses llegaríen al so nivel críticu n'abril, la ciudá anunció los planes pal "Día Cero", el momentu nel que se llegare a un determináu límite inferior d'almacenamientu d'agua que provocare el pieslle en gran midida del abastecimientu municipal d'agua, lo que fadría de Ciudá del Cabu la primer gran ciudá en quedar ensin agua.[1][2][3]

Gracies a les midíes d'aforru y al aumentu d'abastecimientu, en marzu de 2018 la ciudá amenorgó'l so consumu diariu d'agua en más de la metá hasta los 500 millones de litros por día y, en xunu de 2018 l'amenorgamientu nel consumu y les precipitaciones fixeron que los niveles de les preses aumentaren hasta'l 43 % de capacidá, lo que provocó que Ciudá del Cabu anunciare que l'amenaza del Día Cero yá nun diba cumplise en 2018.[4] Sicasí, les torgues al consumu d'agua van permanecer hasta que'l nivel de les preses algame'l 85 % de la so capacidá.[5]

Referencies editar

  1. «Cape Town could be the first major city in the world to run out of water».
  2. Richard Poplak (15 de febreru de 2018). The Atlantic (ed.): «What's Actually Behind Cape Town's Water Crisis».
  3. Geoffrey York (8 de marzu de 2018). The Globe and Mail (ed.): «Cape Town residents become 'guinea pigs for the world' with water-conservation campaign».
  4. Janine Myburgh (29 de xunu de 2018). Cape Messenger (ed.): «Chamber delighted by Day-Zero’s death».
  5. News24 (ed.): «Western Cape edges closer to an end to the drought as dam levels continue to rise» (12 de xunetu de 2018).

Enllaces esternos editar