Crisis llingüística de Lovaina

La crisis llingüística de Lovaina, recordada polos belgues francófonos cola conseña flamenca Walen buiten! (en neerlandés, '¡los valones fora!'), foi una crisis política que solmenó Bélxica ente'l 5 de payares de 1967 y el 31 de marzu de 1968.

Dende faía abondo tiempu, los flamencos esixíen el zarru de la seición francófona de la Universidá Católica de Lovaina (UCL), asitiada nel Brabante Flamencu. A estes reivindicaciones, oponíense'l refugu categóricu tantu del poder organizador de la Universidá como la posición de los obispos belgues.

Les midíes tomaes como'l desdoblamientu llingüísticu de los cursos, el billingüismu alministrativu y l'aumentu creciente de profesores flamencos nun fueron abondos pa satisfaer les esixencies flamenques que siguíen atalantando que tratar d'una universidá francófona en territoriu flamencu.

El 5 de payares de 1967, trenta mil flamencos, ente ellos 27 parllamentarios, desfilaron peles cais d'Amberes pa esixir la partida de los estudiantes francófonos de Lovaina basaos nel unillingüismu rexonal y el derechu a la so tierra. Dempués d'esta manifestación, los estudiantes flamencos, desfilaben tolos díes peles cais de Lovaina al berru de Walen buiten.

Aína de les eleiciones gubernamentales provocaes por esta disputa, el poder organizador de la Universidá aprobó'l 18 de setiembre de 1968 un nuevu plan d'espansión de la seición francófona de la Universidá Católica de Lovaina. Delles selmanes más tarde, un nuevu reglamentu oficializó la dixebra ente la Katholieke Universiteit Leuven (KUL) y la UCL. Esta postrera tenía d'establecese progresivamente na rexón del Brabante Valón, según en Woluwé-Saint-Lambert, pa la Facultá de Medicina.

Ver tamién editar

Referencies editar

Albert D'Haenens (dir.), L'Université catholique de Louvain : Vie et mémoire d'une institution, Bruxelles, Presses universitaires de Louvain/La Renaissance du Livre, 1992, 399 p. (ISBN 2-8041-1552-6)
Christian Laporte, L'affaire de Louvain : 1960-1968, Bruxelles, De Boeck Université, 1999, 333 p. (ISBN 978-2-8041-3005-3)
Michel Woitrin, Louvain-la-Neuve et Louvain-en-Woluwe : le grand dessein, Gembloux, Duculot, 1987, 311 p. (ISBN 2-8011-0694-1)