Cristina Arruti
Cristina Arruti (21 d'avientu de 1944, Sarandí Grande – 29 de payares de 2018, Montevidéu) foi una doctora en bioloxía celular d'Uruguái especializada en desenvolvimientu ocular.[1]
Cristina Arruti | |
|---|---|
 | |
| Vida | |
| Nacimientu | Sarandí Grande, 21 d'avientu de 1944 |
| Nacionalidá |
 Uruguái |
| Muerte | Montevidéu, 29 de payares de 2018 (73 años) |
| Estudios | |
| Estudios | Universidá de la República |
| Llingües falaes | castellanu |
| Oficiu | investigadora, profesora |
 | |
Trayeutoria
editarDende 1979 tien un doctoráu d'État ès Sciences Bioloxía Celular pola Universidá de París V René Descartes cola tesis: "Effet d'un facteur rétinien sur la prolifération et le phénotype in vitro des cellules épithéliales du crystallin et endothéliales de la cornée".
De 1964 a 1975 foi profesora d'Historia Natural y Bioloxía na enseñanza secundaria. De 1970 a 1973 trabayó tamién como Asistente de Citoloxía y Anatomía Microscópica na Facultá d'Humanidaes y Ciencies de la Universidá de la República onde darréu tamién foi docente na Facultá de Medicina.
En 1967-70 foi becada pola Universidá de la República pa investigar nel Llaboratoriu de Cultivu de Texíos y recibió tamién delles beques de la Embaxada de Francia, en 1969-70 pa realizar estudios en embrioloxía y en 1975-76 pa realizar estudios de bioloxía del desenvolvimientu.[2]
Dende 1986 ye Profesora Titular de Bioloxía Celular. Primero en Facultá d'Humanidaes y Ciencies y, dende la so creación en 1990 en Facultá de Ciencies de la Universidá de la República.
Los sos principales intereses d'investigación concernen a procesos celulares que tienen llugar na organogénesis ocular de vertebraos. Nesti contestu describió, per primer vegada, la esistencia de factores de crecedera en texíu neural (retina) y prosiguió realizando estudios destinaos a elucidar distintos mecanismos y procesos celulares arreyaos na formación y homeostasis tisular de la retina, cristalín y córnea.[3]
Ye investigadora y profesora nel Departamentu de Bioloxía Molecular de la Universidá de la República. Hasta 2015 foi Profesora Titular de Bioloxía Celular y Encargada de la SBC, dirixendo'l Llaboratoriu de Cultivu de Texíos. Tamién ye Investigadora de primer nivel (Grau 5) de PEDECIBA.
En 2011 foi reconocida y homenaxada xunto a otros once muyeres científiques pol Ministeriu d'Educación y Cultura d'Uruguái pol estudiu de los procesos celulares que subyacen a la formación de güeyos de vertebraos”.[1]
Referencies
editar- ↑ 1,0 1,1 «Saberes que dan llibertá». La Diaria. Consultáu'l 18 d'agostu de 2016.
- ↑ Facultá de Ciencies. Universidá de la República. «Cristina Arruti». Consultáu'l 19 d'agostu de 2016.
- ↑ «Dra. Cristina Arruti - Seición Bioloxía Celular». Archiváu dende l'orixinal, el 2016-09-16. Consultáu'l 19 d'agostu de 2016.
Enllaces esternos
editar
Datos: Q26391649
