Cristina Mazas

Cristina Mazas Pérez-Oleaga (27 de xunu de 1973, Santander) ye una economista y política española del Partíu Popular. Ente'l 28 de xunu de 2011 y el 9 de xunetu de 2015 foi la conseyera d'Economía, Facienda y Emplegu del Gobiernu de Cantabria.

Cristina Mazas
Vida
Nacimientu	Santander, 27 de xunu de 1973 (51 años)
Nacionalidá	España
Estudios
Llingües falaes	castellanu
Oficiu	política
Creencies
Partíu políticu	Partido Popular

Biografía

Llicenciada y doctora en Ciencies Económiques y Empresariales pola Universidá de Navarra, trabayó nel Conceyu de Pamplona pa la realización del estudio “Estudios de costos de los servicios públicos del Conceyu de Pamplona”. Hasta l'añu 2011 foi profesora nel departamentu de Ciencies Económiques y Empresariales de la Universidá de Cantabria.

Perteneció al Comité Executivu Rexonal del Partíu Popular. Con una amplia trayeutoria política, empieza siendo candidata na llista del PP a les eleiciones al Parllamentu Européu en 1999 y 2004. Paralelamente, va ocupando altos cargos nel Gobiernu de Cantabria presidíu por José Joaquín Martínez Sieso. Con namái 26 años, en xunu de 1999 ye nomada direutora xeneral d'Asuntos Europeos del Gobiernu de Cantabria. En setiembre de 2000 faise cargu de la Direición Xeneral d'Economía y xusto un añu dempués conviértese na direutora xeneral d'Economía y Asuntos Europeos del Executivu rexonal hasta xunetu de 2003 debíu al pactu de gobiernu PRC-PSOE.

Dende 2003 ye diputada rexonal y exerció como vocera del Grupu Popular nel área d'Economía mientres los ocho años de gobiernu PRC-PSOE ente 2003 y 2011.

Ente 2011 y 2015, foi la Conseyera d'Economía, Facienda y Emplegu del Gobiernu de Cantabria tres la victoria por mayoría absoluta del PP nes eleiciones autonómiques d'esi añu.

Enllaces esternos

• Wikimedia Commons acueye conteníu multimedia sobre Cristina Mazas.

• Datos: Q5791490
• Multimedia: Cristina Mazas