Cueva de Chaves
La Cueva de Chaves foi un xacimientu neolíticu asitiáu nes proximidaes de la llocalidá de Bastarás, conceyu de Casbas d'Huesca, provincia d'Huesca, España. El xacimientu, consideráu de los más importantes d'España pa la dómina xunto al de la Cueva de l'Or d'Alicante, foi destruyíu de manera illegal en 2007 por aciu unes obres que convirtieron la cueva nun bebederu.[1]
| Cueva de Chaves | |
|---|---|
| cueva y xacimientu arqueolóxicu | |
| Llocalización | |
| País |  España |
| Autonomía |  Aragón |
| Provincia |  provincia d'Uesca |
| Conceyu | Casbas de Huesca |
| Coordenaes | 42°13′29″N 0°08′53″W / 42.224586°N 0.148011°O |
  Cueva de Chaves Cueva de Chaves (España) | |
 | |
Descripción editar
La Cueva de Chaves, con una superficie averada de 3300 m², allugaba un xacimientu arqueolóxicu consideráu como unu de los más importantes asentamientos neolíticos de la península ibérica. Dichu xacimientu foi afayáu pol arqueólogu Vicente Baldellou Martínez na década de 1970, siendo esti postreru'l direutor de la escavación arqueolóxica. La cueva topábase dientro d'una finca privada propiedá de la empresa Fimbas S. A. emplegada como cotu de caza.
Hasta l'añu 2007 la intervención arqueolóxica desenvolviérase fundamentalmente nuna zona de 110 m², concretamente nuna zona rectangular escavada onde yeren claramente visibles los signos d'intervención arqueolóxica. La esistencia de lloses de gran tonelaxe na cueva y el peligru qu'estes entrañaban torgaren avanzar la investigación arqueolóxica n'otres zones de la cueva y les investigaciones teníen llugar añalmente en campañes de branu, a iniciativa de los arqueólogos, cola previa autorización de la Direición Xeneral del Patrimoniu Cultural del Gobiernu d'Aragón y l'autorización de la empresa Fimbas.
Anque la Cueva de Chaves nun fuera declarada de forma espresa como bien d'interés cultural, atopábase dientro de la redolada de #proteición de las Cuevas de Solencio I, II y III, con manifestaciones de pintura rupestre y declaraes como Bien d'Interés Cultural conforme lo establecío na Orde de 6 d'ochobre de 2003, del Departamentu d'Educación, Cultura y Deporte del Gobiernu d'Aragón. Coles mesmes, la finca de Vas Bastar atópase incluyida dientro del Parque Natural de la Sierra y Cañones de Guara y la so zona periférica de proteición, que de la mesma son parte de la Rede Natura 2000.
Destrucción y procesu xudicial editar
N'ochobre de 2007 l'empresariu d'orixe lleonés Victorino Alonso García, al mandu de la esplotación de la finca onde s'atopaba la cueva, contrató la realización d'unes obres na cueva consistentes nel vaciáu de les sos lloses y sedimentos, col fin de nivelar el suelu de la cueva y asitiar comederos y bebederos pa la cría de cabres, lo mesmo que de utilizar el material estrayíu pa la construcción d'un dique de contención d'agües cercanu a la cueva. Dicha obra foi realizada ensin comunicación nin autorización previa per parte del gobiernu aragonés. Pa la obra emplegó una retroexcavadora de gran tonelaxe y calcúlase que s'estrayxeron unos 2247 m³ de sedimentos, equivalentes a ente 3 y 4 metros d'altor, depositándose estos nun ribayu de la redolada.
Por estos fechos, Victorino Alonso García foi condergáu en payares de 2016 como autor d'un delitu sobre'l patrimoniu históricu a dos años y seis meses de cárcel y a abonar 25 490 805 € en conceutu d'indemnización al Gobiernu d'Aragón, debiendo Fimbas S. A. responder subsidiariamente d'esta cantidá. Tres el recursu de la defensa, l'Audiencia d'Huesca falló en xineru de 2018 reciendo la condena de cárcel en seis meses por dilaciones indebíes nel procesu.
Referencies editar
- ↑ Sevillano, Elena G. (8 de xineru de 2018). «Condenado el ‘rey de la mina’ por convertir una joya neolítica en un abrevadero de cabras». El País. Consultáu'l 14 de xineru de 2018.«Condenado el ‘rey de la mina’ por convertir una joya neolítica en un abrevadero de cabras». El País. 8 de xineru de 2018. https://politica.elpais.com/politica/2018/01/08/actualidad/1515442859_150295.html. Consultáu'l 14 de xineru de 2018.
Bibliografía editar
- Castán Sarasa, Adolfo; Baldellou Martínez, Vicente (1985). «Excavaciones en la cueva de Chaves de Bastares (Casbas-Uesca)». Bolskan: Revista d'arqueoloxía del Institutu d'Estudios Altoaragoneses (1): 9-38. Castán Sarasa, Adolfo; Baldellou Martínez, Vicente (1985). «Excavaciones en la cueva de Chaves de Bastaras (Casbas-Huesca)». Bolskan: Revista de arqueología del Instituto de Estudios Altoaragoneses (1): páxs. 9-38. ISSN 0214-4999. http://dialnet.unirioja.es/servlet/fichero_articulo?codigo=124945&orden=71190.
Enllaces esternos editar
- Esti artículu incorpora testu de la Sentencia 00255/2016 del Tribunal de lo Penal N.º 1 d'Huesca, de 9 de payares de 2016, en dominiu públicu.
Datos: Q47323398
