Díes de muncho
Díes de muncho ye una novela n'asturianu escrita por Antón García que ganó ex aequo con La ciudá encarnada, de Pablo Antón Marín Estrada la XVIII edición del Premiu Xosefa Xovellanos en 1997 y que se publicó pela primer vez un añu depués de la mano d'Ediciones Trabe. La novela ye una de les más vendíes de la literatura asturiana y llegó a la so cuarta edición nel 2012.
| Díes de muncho | |
|---|---|
| obra lliteraria | |
| Datos | |
| Autor | Antón García |
| Llingua de la obra | asturianu |
| Premios | Premiu Xosefa Xovellanos (1997) |
 | |
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Argumentu
editarDe la que regresa a Grandiella depués de venti años, Falín abre la memoria pa recordar l'últimu añu que vivió en pueblu y los acontecimientos tráxicos que-y cambiaron la vida y emburriaron a la so familia a emigrar. Pero aquellos meses de branu a branu tamién tuvieron momentos felices y divertíos, cuando too taba por descubrir y tres amigos inseparables deprendíen a lleer el mapa del universu qu'habitaben. La llegada al pueblu de la prima Rita, una catalana mui distinta a les moces del llugar, diba poner aquel mundu pates arriba.
Falín, xunto con Selmo y Mon, los sos amigos de l'alma, la guapísima tía Aurora, la prima Rita, Rifel el padrín, los güelos, Vítor el constructor... va texendo un mundu de rellaciones sorprendentes que xira con gran intensidá alredor de Grandiella, el pueblu, y que tien la clave principal nel descubrimientu de la vida, na conocencia: non siempres saber nos fai más felices nin meyores.
Referencies
editarEnllaces esternos
editar
Wikimedia Commons tien conteníu multimedia tocante a Díes de muncho.
Datos: Q13147012
