Enrique Rodríguez Cal

boxeador asturianu (1951–2022)
(Redirixío dende Dacal)

Enrique Rodríguez Cal (19 de payares de 1951Carreño – 23 de payares de 2022Avilés), conocíu como Dacal II o Dacalín foi un ex-boxeador asturianu, ganador d'una medaya de bronce nos Xuegos Olímpicos de Munich 1972. Foi'l primer medayista olímpicu asturianu.[5]

Enrique Rodríguez Cal
Vida
Nacimientu Carreño19 de payares de 1951
Nacionalidá España
Muerte Avilés[1]23 de payares de 2022[1] (71 años)
Causa de la muerte esclerosis llateral amiotrófica[2]
Estudios
Llingües falaes castellanu
Oficiu
Oficiu boxeador
Pesu 48 kg
Altor 154 cm
Seudónimu/os Dacalín[3] y Dacal II[4]
Cambiar los datos en Wikidata

Biografía editar

Anque nació en Candás, tuvo siempre venceyáu al barriu avilesín de Llaranes. Foi introducíu nel mundu del boxéu pol so hermanu Avelino, conocíu nos ambientes puxilísticos como Dacal. Pasó pelos ximnasios d'Educación y Descanso, Hogar del Productor, la pista de La Exposición y, finalmente, l'Asociación Atlética Avilesina. Como boxeador aficionáu disputó unos 160 combates, siendo derrotáu solamente en 16, y como profesional disputaría, categoría a la que pasaría en 1978, disputó 44 combates con sólo 6 derrotes.

El so mayor trunfu foi la medaya de bronce qu'obtendría nos Xuegos Olímpicos de Munich, aunque obtuvo númberosos premios a lo llargo de la so carrera, ente ellos los Campeonatos d'España del pesu minimosca d'aficionaos (los años 1971 y 1978) y el Campeonatu d'España del pesu mosca de profesional que defendió en tres ocasiones y que tamién algamó en 1978. Igualmente participaría nos Xuegos Olímpicos de Montreal nel añu 1976, edición na que foi l'abanderáu del equipu olímpicu español.[5] Foi elixíu como Meyor Boxeador Nacional Aficionáu nel añu 1974.

Palmarés internacional editar

Xuegos Olímpicos
Añu Llugar Medaya Categoría
1972 Múnich (Alemaña Occidental)   48 kg
Campeonatu Mundial
Añu Llugar Medaya Categoría
1974 La Habana (Cuba)   48 kg
Campeonatu Europeu
Añu Llugar Medaya Categoría
1975 Katowice (Polonia)   48 kg

Referencies editar

Enllaces esternos editar